گەرمانيا پوليتسەيلەرى امەريكالىق اسكەري تەحنيكانى ۇستادى

گەرمانيانىڭ پوليتسيا قىزمەتكەرلەرى پولشادان امەريكالىق اسكەري تەحنيكالاردى تاسىپ بارا جاتقان كولىك كەرۋەنىن توسىپ، ولاردان ايىپپۇل تولەۋدى تالاپ ەتتى. بۇل تۋرالى گەرمانيانىڭ جەرگىلىكتى اقپارات قۇرالدارىنا سىلتەمە جاساي وتىرىپ BBC-ءدىڭ رەسمي سايتى جازدى.

پوليتسيا جاق اتالعان كولىك كەرۋەنى گەرمانيانىڭ شىعىسىنداعى وبەرلاۋزيتس-نورد اۆتو دالىزىندە توقتاتىلعان جانە ولاردان بىرنەشە زاڭ بۇزۋ ارەكەتىن تاپقان. ايتالىق، بۇل اسكەري تەحنيكالاردى الىپ بارا جاتقان جۇرگىزۋشىلەردىڭ قۇجاتتارى دا تولىق ەمەس كورىنەدى. گەرمانيا پوليتسەيلەرىنىڭ مالىمەتىنە قاراعاندا، كەيبىر جۇك كولىكتەرىنە ارتىق جۇك تيەلگەن جانە اسكەري تەحنيكانى قورعاپ ءجۇرۋشى ارنايى كولىكتەر دە جوق ەكەن.

مالىمەتتەرگە قاراعاندا، كولىك كەرۋەنى Howitzer M109 تۇرىندەگى  ارتيللەريالاردى  الىپ بارا جاتقان. ولاردىڭ ءاربىرىنىڭ سالماعى شامامەن 20 توننانى قۇرايدى. ولار ارنايى ايىپ الاڭىنا توقتاتىلعان جانە پولشانىڭ تاسىمال كومپانياسى مەن جۇرگىزۋشىلەرى ايىپپۇل تولەۋى مۇمكىن ەكەن.

اقش وندىرەتىن Howitzer M109 اسكەري تەحنيكالارى 1962 جىلدان باستاپ شىعارىلعان. ونى يمپورتتايتىن ەلدەر نەگىزىنەن وڭتۇستىك كورەيا، گەرمانيا جانە يزرايل قاتارلىلار.

“The Qazaq Times”