قازاقستان 2017 جىلدىڭ العاشقى توعىز ايىندا شەت ەلدەرگە 855,1 توننا كۇمىس جەتكىزگەن. ساتىلعان مەتالدىڭ جالپى قۇنى 445,8 ملن دوللار بولعان.
ستاتيستيكا كوميتەتىنىڭ مالىمەتىنشە، 2016 جىلدىڭ العاشقى توعىز ايىمەن سالىستىرعاندا (992,6 توننا) ەكسپورت شيكىزات قالپىندا 13,8%-عا، قارجى ەسەبىندە 10,9%-عا قىسقارعان.
كۇمىستىڭ ەڭ كوپ بولىگى ساتىلعان ەل - ۇلىبريتانيا. اتالعان ەل قازاقستاننان 364,2 ملن دوللارعا 706 توننا (جالپى ەكسپورتتىڭ 82,6%-ى) كۇمىس ساتىپ العان. 2016 جىلمەن سالىستىرعاندا كورولدىككە ەكسپورتتالعان مەتالل كولەمى (992,5 توننا) 29%-عا ازايعان.
ال گەرمانياعا قازاقستاننان 73,7 ملن دوللارعا 134,4 توننا كۇمىس ساتىلعان. اقش 7,8 ملن دوللارعا 146 توننا كۇمىس ساتىپ العان.
بۇدان بولەك التىن ساتىلىمى دا كۇرت تومەندەپ كەتكەن، ءتىپتى نولگە تەڭ دەۋگە بولادى. ياعني وتكەن جىلدىڭ 10 ايىندا قازاقستان 14,1 ملن دوللارعا بار بولعانى 0,6 توننا التىن ەكسپورتتاعان. ال وسى جىلدىڭ باسىنان بەرى ساتىلعان التىن كولەمى 2,9 مىڭ دوللارعا باعالانعان.
2016 جىلى باعالى مەتالدى ساتىپ العان ەل رەسەي (14,1 ملن دوللارعا 0,5 توننا التىن ساتىلعان) مەن ۇلىبريتانيا (11,8 ملن دوللارعا 0,1 توننا التىن ساتىلعان) بولعان. ال 2017 جىلى كەرىسىنشە، التىننىڭ كوپ بولىگى ۇلىبريتانياعا ساتىلعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى