2018 جىلدىڭ 10-30 قاڭتارى ارالىعىندا «Almaty Sales Festival: Winter 2018» جەڭىلدىكتەر فەستيۆالى  300 برەند بويىنشا قالانىڭ 100 ساۋدا ويىن-ساۋىق ورتالىعىندا، 15 كوناقۇيىندە جانە 20 مەيرامحانادا وتەدى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى. 

جەڭىلدىكتەر  ازىق-تۇلىكتەن وزگە (كيىم، تەحنيكا، كوسمەتيكا، اكسەسسۋارلار جانە ت.ب.)  تاۋارلاردىڭ بىرنەشە تۇرىنە، قىزمەتتەرگە ۇسىنىلادى. ساۋدا نىساندارىنداعى جەڭىلدىكتەر تاۋاردىڭ ساناتىنا بايلانىستى 80%، قوناقۇيلەردە  40%، مەيرامحانالاردا 20%-دى قۇرايدى.

«Almaty Sales Festival: Winter 2018» جەڭىلدىكتەر فەستيۆالى «Mega Park» ساۋدا ويىن-ساۋىق ورتالىعىندا 12 قاڭتار كۇنى ساعات 19:00-دە  رەسمي تۇردە  اشىلادى.

الماتىدا جەڭىلدىكتەر  فەستيۆالى جىل سايىن وتەدى. وسى ايدا وتكەلى وتىرعان «Almaty Sales Festival: Winter 2018» - جەڭىلدىكتەر شاراسىنىڭ ءۇشىنشى ماۋسىمى.  العاشقى فەستيۆال 2017 جىلعى قىسقى ۋنيۆەرسياداعا، ەكىنشىسى «ەكسپو – 2017» حالىقارىلىق كورمەسىنە وراي وتكىزىلگەن.

“The Qazaq Times”