2018 жылдың 10-30 қаңтары аралығында «Almaty Sales Festival: Winter 2018» жеңілдіктер фестивалі  300 бренд бойынша қаланың 100 сауда ойын-сауық орталығында, 15 конақүйінде және 20 мейрамханада өтеді. Бұл туралы Алматы қаласы әкімдігінің баспасөз қызметі хабарлады. 

Жеңілдіктер  азық-түліктен өзге (киім, техника, косметика, аксессуарлар және т.б.)  тауарлардың бірнеше түріне, қызметтерге ұсынылады. Сауда нысандарындағы жеңілдіктер тауардың санатына байланысты 80%, қонақүйлерде  40%, мейрамханаларда 20%-ды құрайды.

«Almaty Sales Festival: Winter 2018» жеңілдіктер фестивалі «Mega Park» сауда ойын-сауық орталығында 12 қаңтар күні сағат 19:00-де  ресми түрде  ашылады.

Алматыда Жеңілдіктер  фестивалі жыл сайын өтеді. Осы айда өткелі отырған «Almaty Sales Festival: Winter 2018» - жеңілдіктер шарасының үшінші маусымы.  Алғашқы фестиваль 2017 жылғы қысқы Универсиадаға, екіншісі «ЭКСПО – 2017» халықарылық көрмесіне орай өткізілген.

“The Qazaq Times”