جارىلىس بولعان ايماقتى تاليبان باقىلاۋعا الدى. فوتو: WSJ.

جەرگىلىكتى بيلىكتىڭ حابارىنا قاراعاندا، ءبىر جانكەشتى اۋعانستان ورتالىق قالاسى كابۋلداعى شيتتەردىڭ مۇسىلمان مادەنيەت ورتالىعىندا جارىلىس جاساپ، 41 ادام قازا تاپقان. وقيعادان كەيىن «يسلام مەملەكەتى» ۇيىمى مالىمدەمە جاساپ، تەررورلىق شابۋىلدىڭ جاۋاپكەرشىلىگىن ۇستىنە الدى. بۇل تۋرالى تانىمال باسىلىم «WSJ» حابارلايدى.

اۋعانستاننىڭ ىشكى ىستەر مينيسترلىگى تاراتقان مالىمەتكە نەگىزدەلگەندە، جانكەشتى كابۋلدىڭ وڭتۇستىك-باتىسىنداعى تاليبانداردىڭ مادەني ورتالىعىن نىساناعا العان. سول ۋاقىتتا اتالعان ورىندا كەڭەس وداعىنىڭ اۋعانستانعا كىرۋىنىڭ 38 جىلدىعىنا وراي جينالىس بولىپ جاتقان. ۇلكەن جارىلىستان كەيىن دە ەكى رەت قۋاتى شاعىن جارىلىس بولعان.

اۋعانستاننىڭ نەگىزگى بۇلىكشىل كۇشى تاليبان قايتارما شابۋىلعا ارالاسپاعان. سوڭعى بىرنەشە ايدان بەرى اۋعانستان جەرىندە جەرگىلىكتى تاليبان سودىرلارى مەن «يسلام مەملەكەتى» تەررورلىق ۇيىمى اراسىندا قاقتىعىستار ءجيى تۋىلۋدا. ەكى قارۋلى توپ، ەلدەگى ىقپال كولەمىن كەڭەيتۋ ءۇشىن قاقتىعىسىپ كەلەدى.

“The Qazaq Times”