فوتو: International Business Times
Brent ماركالى مۇنايدىڭ باعاسى 2015 جىلدان بەرى العاش رەت 67 دوللاردان استى. سوڭعى رەت مۇنداي باعا 2015 جىلدىڭ مامىر ايىندا تىركەلگەن. باعانىڭ بۇلاي جىلدام كوتەرىلۋىنە ليۆياداعى مۇناي قۇبىرىنىڭ جارىلۋى سەبەپ. 

استانا ۋاقىتىمەن 7:40-تا Brent ماركاسىنىڭ اقپان ايىنا ارنالعان فيۋچەرسىنىڭ باعاسى باررەلىنە 66,69 دوللارعا دەيىن كوتەرىلگەن.

ال ەگەر وسى اپتادا اقش-تاعى شيكىزات قورى دا بولجاعان كولەمگە قاراعاندا تاعى ازاياتىن بولسا، وندا قارا التىننىڭ قۇنى 70 دوللارعا دەيىن كوتەرىلۋى مۇمكىن ەكەن.

بۇدان بولەك حالىقارالىق باق تاراتقان حابارلاماعا قاراعاندا ليۆيانىڭ ەس-سيدر پورتى ماڭىندا مۇناي قۇبىرى جارىلعان. مۇناي قۇبىرىنىڭ باستى وپەراتورى  Waha Oil Co.، ليۆيالىق National Oil Corp امەريكالىق Hess Corp. كومپانياسىنىڭ بىرىككەن كاسىپورنى، Marathon Oil Corp.  جانە ConocoPhillips كومپانيالارى.

وسىلايشا قۇبىر جارىلعان سوڭ ەس-سيدر ارقىلى وتەتىن ەكسپورت كولەمى 20 پايىزعا نەمەسە تاۋلىگىنە 90 مىڭ باررەلگە تومەندەگەن.

“The Qazaq Times”