سەۋل پيوڭياڭدى پيوڭچاڭ 2018 قىسقى وليمپياداسىنا شاقىردى. فوتو: dw.

وڭتۇستىك كورەيانىڭ كورەي تۇبەگى ماسەلەسىنە بايلانىستى قۇرىلعان بىرلەسۋ مينيسترلىگىنىڭ باسشىسى چو ميڭ-گيون سولتۇستىك كورەيامەن شارتسىز كەلىسسوز ۇستەلىنە كەلۋگە دايىن ەكەندەرىن مالىمدەدى. بۇل تۋرالى «People» باسىلىمىنىڭ رەسمي سايتى حابارلادى.

اتالعان مينيسترلىكتىڭ مالىمدەمەسىندە مينيستر چو ميڭ-گيون سولتۇستىك كورەيامەن ەكى ەل اراسىنداعى بارلىق ماسەلە تۋرالى اشىق ءارى شارتسىز كەلىسسوز وتكىزۋدى قالايتىنىن جەتكىزگەن. ول جانە وسى ورايدا ەكى ەل اراسىنداعى بۇلىنگەن قاتىناستى رەتتەپ، سولتۇستىك كورەيانىڭ يادرولىق باعدارلاماسىن توقتاتۋعا كۇش سالاتىنىن ايتقان.

مينيستر چو مالىمدەمەسىندە سولتۇستىك كورەيانى اقپان ايىنداعى قىسقى وليمپياداعا قاتىسۋعا شاقىردى.

بۇل سولتۇستىك كورەيانى شارتسىز كەلىسسوزگە شاقىرعان ەكىنشى مالىمدەمە. وسىدان بۇرىن 13 جەلتوقسان كۇنى اقش مەملەكەتتىك حاتشىسى رەكس تيللەرسون سولتۇستىك كورەيامەن العىشارتسىز كەلىسسوز جۇرگىزۋگە دايىن ەكەنىن ايتقان بولاتىن.

“The Qazaq Times”