سولتۇستىك كورەيانىڭ تاعى ءبىر اسكەرى وڭتۇستىك كورەيانىڭ شەكاراسىنا باسا كوكتەپ كىردى

وڭتۇستىك كورەيانىڭ قورعانىس تاراۋلارى جاريالاعان مالىمەتكە قاراعاندا، بەيسەنبى كۇنى تاڭەرتەڭ سولتۇستىك كورەيانىڭ ءبىر شەكارا قورعاۋشى اسكەرى ەكى ەل ورتاسىنداعى دەميليتاريزاتسيالانعان ايماققا باسا كوكتەپ كىرگەن. شەكارانى زاڭسىز كەسكەن كحدر اسكەرى وڭتۇستىك كورەيا شەكاراشىلارى جاعىنان تۇتقىندالعان. بۇل شەكارا ءتارتىبىنىڭ سولتۇستىك كورەيا تارابىنان وسى جىلدىڭ ىشىندە 4-ءشى رەت بۇزىلۋى. بۇل تۋرالى «WSJ» باسىلىمى جازدى.

وڭتۇستىك كورەيا قورعانىس مينيسترلىگىنىڭ مالىمدەمەشىسى شەكارادان زاڭسىز وتكەن سولتۇستىك كورەيالىقتىڭ قاتارداعى جاۋىنگەر ەكەنىن، اسكەري لاۋازىمى مەن شەنىنىڭ جوق ەكەنى ايتتى. دەگەنمەن ونىڭ اتى-ءجونى جانە باسقا مالىمەتتەردى جاريالاۋدان باس تارتقان. ونىڭ ايتۋىنشا، اتالعان سولتۇستىك كورەيا جاۋىنگەرى بەيسەنبى كۇنى ساعات 8 شاماسىندا ەلدىڭ سولتۇستىك-باتىسىنداعى شەكارانى بۇزعان. قازىر اسكەردىڭ دەنساۋلىعى تەكسەرىلىپ، تەرگەۋگە الىنۋدا.

سپيكەر شەكارا بۇزۋ ارەكەتىنىڭ  دال ورىنىن اشىپ ايتپادى، بىراق، سولتۇستىك كورەيا اسكەرى بىرىككەن قاۋىپسىزدىك ايماق ارقىلى وڭتۇستىك كورەياعا زاڭسىز كىرگەنىن العا تارتتى. بىرىككەن قاۋىپسىزدىك ايماعى – ەكى ەل قارۋلى كۇشتەرىنىڭ جاقىن تۇرىپ شەكارا كۇزەتەتىن ايماعى. وتكەن ايدا سولتۇستىك كورەيانىڭ بىرنەشە سولداتى اتالعان شەكارا اراسىندا وق اتقان ەدى.

“The Qazaq Times”