پانمۋنجوم ايماعى. فوتو: VOA.

وڭتۇستىك كورەيانىڭ قورعانىس مينيسترلىگى تاراتقان حابارعا قاراعاندا، وڭتۇستىك كورەيا، سولتۇستىك كورەيا جانە بىرىككەن ۇلتتار ۇيىمى كۇشتەرى سەيسەنبى كۇنى كورەي تۇبەگىنىڭ سولتۇستىك-وڭتۇستىك شەكاراسىنداعى دەميليتاريزاتسيالانعان ايماقتا العاشقى ۇشجاقتى كەلىسسوزدەر وتكىزدى.

قىركۇيەك ايىندا پيوڭياڭ (پحەنيان) سامميتىندە سولتۇستىك كورەيا مەن وڭتۇستىك كورەيا بۇۇ-نىڭ اسكەريلەندىرىلگەن ايماعىنا جاۋاپتى ۇشجاقتى كونسۋلتاتيۆتىك توپ قۇرۋعا كەلىستى، بۇل الەمدەگى ەرەكشە قورعالاتىن اۋدانداردىڭ بىرىندە قارۋسىزدانۋدى كۇشەيتۋگە باعىتتالعان.

وڭتۇستىك كورەيانىڭ قورعانىس مينيسترلىگىنىڭ حابارىنا قاراعاندا، پانمۋنجومداعى ۇشجاقتى جابىق كەڭەسكە قاتىسقان تاراپتار جەكەلەگەن پولكوۆنيكتەرىن تاعايىنداعان. بىراق، كەلىسسوزدىڭ تولىق مازمۇنى تۋرالى اقپارات تاراتىلمادى.

سولتۇستىك كورەيانىڭ ورتالىق قالاسى پيوڭياڭداعى وڭتۇستىك-سولتۇستىك كورەيا كەلىسىمى ەكى تاراپتىڭ دا اسكەري جاتتىعۋلارىن توقتاتۋ كەلىسىمىن قاراستىرعان بولاتىن. وعان قوسا، شەكارا سىزىعىندا اسكەري ۇشاقتاردىڭ ۇشۋىن، قارۋسىزداندىرىلعان ايماقتا مينالاردى بولدىرماۋ جانە كۇزەت بەكەتتەرىن بىرتىندەپ جويۋ قاتارلى ماسەلەلەرگە كەلىسكەن.

تاراپتاردىڭ كەلىسىمىنە ساي، بىرلەسكەن قاۋىپسىزدىك ايماعىندا بارلىق قارۋ-جاراقتاردى الىپ تاستايدى، ولاردىڭ ارقايسىسى 35-گە دەيىن قاۋىپسىزدىك قىزمەتكەرلەرىنىڭ سانىن ازايتادى جانە باقىلاۋ جابدىقتارى تۋرالى اقپاراتپەن بولىسەدى. سونىمەن قاتار، وڭتۇستىك كورەيادان، سولتۇستىك كورەيادان جانە شەتەلدەن كەلۋشىلەر بىرىككەن قاۋىپسىزدىك ايماعىندا ەركىن جۇرە الادى.

بۇل كەلىسىمدەر وڭتۇستىك-سولتۇستىك كورەيا اراسىنداعى جانە بۇۇ مەن سولتۇستىك كورەيا اراسىنداعى بەيبىت كەلىسىمدەردىڭ قادامىن جيىلەتە ءتۇستى.

“The Qazaq Times”