فوتو: Upl.uz

اقش پرەزيدەنتى دونالد ترامپ وزبەكستان باسشىسى شاۆكات ميرزيەەۆتى ۋاشينگتونعا شاقىردى.

وزبەكستان پرەزيدەنت اكىمشىلىگى تاراتقان مالىمەت بويىنشا، دونالد ترامپ پەن شاۆكات ميرزيەەۆ جەلتوقسان ايىنىڭ 19-ى كۇنى تەلەفون ارقىلى سويلەسكەن. سويلەسۋ بارىسىندا ەكى ەل باسشىلارى وزبەكستان مەن اقش اراسىنداعى ساۋدا-ەكونوميكالىق، قارجى-ينۆەستيتسيالىق، مادەني-گۋمانيتارلىق، قاۋىپسىزدىك سالالارىن دامىتۋ جايىندا اڭگىمە قوزعاعان. بۇدان بولەك ميرزيەەۆ پەن ترامپ اۋعانستان ماسەلەسى جايىندا بىرقاتار كەلىسىمدەرگە كەلگەن. اقش پرەزيدەنتى وزبەكستان باسشىسىنىڭ اۋعانستانمەن جاقىن قارىم-قاتىناس ورناتىپ جاتقانىن قولداپ، الداعى ۋاقىتتا اۋعانستان ەكونوميكاسىن قالپىنا كەلتىرۋگە قول ۇشىن بەرەتىنىن ايتقان. ءسوز سوڭىندا دونالد ترامپ شاۆكات ميرزيەەۆتى ۋاشينگتونعا شاقىرعان.

ەستەرىڭىزگە سالايىق، بۇعان دەيىن ەكى ەل باسشىلارى مامىر ايىندا  نيۋ-يورك قالاسىندا كەزدەسكەن. شەتەلدىك ساراپشىلاردىڭ ويىنشا، اتالمىش كەزدەسۋ وزبەكستان مەن اقش قارىم-قاتىناسىنىڭ جاڭا دەڭگەيگە كوتەرىلۋىنە سەپتىگىن تيگىزگەن.

“The Qazaq Times”