ترامپ پەن پۋتين تەلەفوندا سويلەستى. فوتو: Daily Express.

14 جەلتوقسان كۇنى كەشتە اقش پەن رەسەي پرەزيدەنتتەرى تەلەفون ارقىلى سويلەسكەن. دونالد ترامپ پەن ۆلاديمير پۋتين تەلەفوندا ەكى ەل قارىم-قاتىناسى مەن كورەي تۇبەگى ماسەلەلەرى تۋرالى تالقىلاعان. بۇل تۋرالى «شينحۋانىڭ» رەسمي سايتى حابارلادى.

حابارعا قاراعاندا، ەكى ەل باسشىلارىنىڭ تەلەفون ارقىلى سويلەسۋىن اقش تارابى ۇسىنىس ەتكەن. قوڭىراۋ كەزىندە ترامپ پەن پۋتين اقش-رەسەي قاتىناسىن دامىتۋ جانە الەمدەگى كەيبىر تالاستى، داۋلى ماسەلەلەر توڭىرەگىندە پىكىر الماسقان. ايتالىق، كورەي تۇبەگى ماسەلەسىن شەشۋ تۋرالى اقىلداسقان. ەكى ەل باسشىلارى ۇكىمەتتەردىڭ جوعارى دەڭگەيدەگى كەزدەسۋ وتىرىسىن ۇيىمداستىرۋعا شاقىردى.

اقش جاقتىڭ بۇل تۋرالى جاساعان مالىمدەمەسىندە، ترامپ پۋتينگە جىل قورىتىندىسى كونفەرەنتسياسىندا اقش-تىڭ بيىلعى تابىستى ەكونوميكاسىن مويىنداعانىنا راحمەت ايتقان. سونىمەن بىرگە اقش تارابىنىڭ حابارىندا ەكى پرەزيدەنت سولتۇستىك كورەيا ماسەلەسىندە بىرلەسە جۇمىس ىستەۋگە كەلىسكەن.

ماسكەۋدە وتكەن ءباسپاسوز ءماسليحاتى كەزىندە پۋتين رەسەي-اقش بايلانىسىنىڭ ايتقاندا، ترامپتان ەكى ەل قارىم-قاتىناسىن دامىتادى، سايلاۋ الدىنداعى سوزدەرىن ورىندايدى دەپ ۇمىتتەنەتىنىن ايتقان.

“The Qazaq Times”