يزرايل قارۋلى كۇشتەرى پاليستينا زىمىراندارىن اتىپ ءتۇسىردى

يزرايل قارۋلى كۇشتەرى پاليستينا زىمىراندارىن اتىپ ءتۇسىردى – دەپ حابارلايدى يزرايل قورعانىس مينيسترلىگىنىڭ ءباسپاسوز قىزمەتى.

جەلتوقسان ايىنىڭ 13-ءى كۇنى يزرايل اسكەري اۋە كۇشتەرى گازا سەكتورىنان يزرايلگە قاراتا اتىلعان ەكى بىردەي زىمىراننىڭ كوزىن جويعان. ءۇشىنشى زىمىران اشكەلون ءشولدى ايماعىنا بارىپ قۇلاعان. جەرگىلىكتى باق وكىلدەرىنىڭ مالىمەتىنشە، گازا سەكتورى زىمىران اتقاننان كەيىن 25 مىڭ ادام تۇراتىن سدەروت قالاسىندا ەسكەرتۋ دابىلى ىسكە قوسىلعان. بىراق زارداپ شەككەندەر مەن جاراقات العاندار جايىندا ەشقانداي اقپارات جوق.

بۇعان دەيىن يزرايل قارۋلى كۇشتەرى 8 جەلتوقسان كۇنى ەلدىڭ وڭتۇسىتىگىنە قاراتا اتىلعان گازا سەكتورىنىڭ كەزەكتى زىمىرانىن «تەمىر كۇمبەز» اۋە قورعانىسى جۇيەسىنەن اتىپ تۇسىرگەن بولاتى. كەيىننەن يزرايل اسكەري اۋە كۇشتەرى گازا سەكتورىنداعى اسكەري وقۋ-جاتتىعۋ لاگەرلەرىن بومبالاپ، قارۋ-جاراق قويمالارىن تالقانداعان.

“The Qazaq Times”