پارسى شىعاناعى ەلدەرى باتىس افريكاداعى ساحەل ايماعىنداعى جيحادشىلارمەن كۇرەسۋگە 130 ملن ەۋرو بولەتىن بولدى. بۇل تۋرالى فرانتسيا پرەزيدەنتى ەمانۋەل ماكرون مەن پارسى شىعاناعى ەلدەرىنىڭ باسشىلارى كەزدەسكەن جيىننان كەيىن AFP اقپاراتتىق اگەنتتىگى جازدى.
ساۋد ارابياسى 100 ملن ەۋرو بەرسە، بىرىككەن اراب امىرلىكتەرى قالعان 30 ملن ەۋرونى وتەۋگە ۋادە بەردى. قوس مەملەكەت تە ءوزىنىڭ تەرروريزمگە قارسى كۇرەسكە بەلسەنە اتسالىسىپ وتىرعانىن دالەلدەۋگە ىنتالى.
جينالعان قارجى G5 ساحەل كۇشتەرىنىڭ قاجەتتىلىكتەرىن وتەۋ ءۇشىن جۇمسالادى. بۇل بۋركينو-فاسو، چاد، ماۆريتانيا، مالي جانە نيگەر اسكەري كۇشتەرىنەن قۇرالعان جاساق. وڭىردەگى تەرروريزمگە قارسى كۇرەستە كەدەي مەملەكەتتەردەن قۇرالعان اسكەري وداققا قارجىنىڭ تاپشىلىعى قولبايلاۋ بولاتىن. ەندى وسى قۇرامدى اسكەري دايىندىقتان وتكىزۋ، قارۋ-جاراق پەن قۇرال-جابدىقتار جەتكىزۋ قۇنىن مۇنايعا باي مەملەكەتتەر ءوز موينىنا الادى.
ءپاريجدىڭ سىرتىنداعى تاريحي قامالداردىڭ بىرىندە وتكەن كەزدەسۋدەن كەيىن جۋرناليستەرگە بەرگەن سۇحباتىندا فرانتسيانىڭ پرەزيدەنتى ەمانۋەل ماكرون: "كۇن سايىن شابۋىلدار بولىپ جاتىر. تەرروريزم وڭىردەگى تۇتاس مەملەكتتەرگە قاۋىپ ءتوندىرىپ وتىر", -دەدى.
2018 جىلدىڭ ورتاسىنا قاراي 5 مىڭ ادامنان تۇراتىن اسكەري جاساق ەكسترەميستەرگە قارسى جاڭا سوققىلار بەرەدى دەپ جوسپارلانىپ وتىر. ماقسات - قاتارى تولىققان تەرروريستەردىڭ كوزىن جويۋ.سەبەبى سۇرياداعى لاڭكەستىك توپتاردىڭ جەڭىلىسىنەن كەيىن، ەكسترەميستەردىڭ ۇلكەن اعىنى افريكا مەملەكەتتەرىندەگى ءال-كايدانىڭ وزگە قۇرىلىمدارىنا قاراي قوسىلۋى مۇمكىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى