سولتۇستىك كورەيا بيولوگيالىق قارۋ جاساۋدا

سولتۇستىك كورەيا بيلىگى بيولوگيالىق قارۋ جاساۋدا – دەپ حابارلايدى Washington Post گازەتى.

باسىلىم مالىمەتىنشە، سولتۇستىك كورەيا 10 جىلدان بەرى بيولوگيالىق قارۋ جاساۋعا تالپىنىس جاساپ كەلگەن. بىراق ونىڭ بارلىعى وسى ۋاقىتقا دەيىن ءساتسىز بولعان. Washington Post-تىڭ اقش بارلاۋ قىزمەتىندەگى دەرەككوزىنىڭ سوزىنشە، بيىل سولتۇستىك كورەيا بيولوگيالىق قارۋ جاساۋدا ءتيىستى تەحنيكالىق ناتيجەلەرگە قول جەتكىزگەن. ولار ءوز ماقساتىنا جەتۋ ءۇشىن عالىمدارىن 10 جىل بويى الەمنىڭ الدىڭعى قاتارلى ۋنيۆەرسيتەتتەرىندە ميكروبيولوگيا سالاسى بويىنشا وقىتقان.

ەستەرىڭىزگە سالايىق، سولتۇستىك كورەيا 1987 جىلى بىرىككەن ۇلتتار ۇيىمىنىڭ بيولوگيالىق قارۋ جاساۋعا جانە قولانۋعا تىيىم سالاتىن قارارىنا قول قويعان. بىراق اقش بارلاۋ قىزمەتىنىڭ 2004 جىلى كونگرەسسكە ۇسىنعان قۇجاتتارى بويىنشا، كحدر بيلىگى بيولوگيالىق قارۋ جاساۋدى ءالى كۇنگە دەيىن جالعاستىرۋدا.

“The Qazaq Times”