فرانتسيا پرەزيدەنتى. فوتو: newstatesman.com.

وسىدان بۇرىن فرانتسيا پرەزيدەنتى ەممانۋەل ماكرون افريكا ساپارى كەزىندە جاساعان مالىمدەمەسىندە، الداعى ۋاقىتتا افريكادا فرانتسۋز ءتىلى ءبىرىنشى ءتىل بولاتىنىن، ءتىپتى الەمدەگى ەڭ اۋقىمدى ءتىل بولاتىنىن ايتقان. بۇل تۋرالى «شينلاڭ» اقپاراتتىق سايتى حابارلادى.

فرانتسيا پرەزيدەنتى اتالعان مالىمدەمەسىن بۋركينا-فاسوداعى ۋاگادۋگۋ ۋنيۆەرسيتەتىندە جاساعان. ول افريكادا اعىلشىن ءتىلىن قولدانۋدىڭ بولاشاعى جوق ەكەنىن العا تارتقان. ول جانە اتالعان قۇرلىقتا فرانتسۋز ءتىلىنىڭ بولاشاعى زور ەكەنىن، فرانتسۋز ءتىلىنىڭ تارتىمدىلىعى مەن وعان دەگەن قىزىعۋشىلىق  تەك فرانتسياعا تيەسىلى بولماۋى كەرەك دەگەن ويىن ورتاعا سالعان. ول ءسوزىنىڭ سوڭىندا: «ءبىز بىرلىكتە قۇلشىنىپ، بۇل ارماندى جۇزەگە اسىرايىق!»، – دەگەن.

فرانتسيا پرەزيدەنتى ماكروننىڭ بۇل مالىمدەمەسى بريتاندىق باق پەن الەۋمەتتىك جەلىلەردە كۇشتى تالقىعا سالىندى. كەيبىر پىكىرلەر بۇل سوزگە كەلىسسە، قارسى شىققاندارى دا بولعان.

“The Qazaq Times”