رەسەي-قىتاي بىرلەسكەن تەرروريزمگە قارسى كۇرەس اسكەري جاتتىعۋىن وتكىزۋدە

ءبىر كۇن بۇرىن، رەسەي مەن قىتاي قارۋلى كۇشتەرى بىرلەسكەن «ىنتىماقتاستىق-2017» اسكەري جاتتىعۋ قىتاي جەرىندە باستالدى. اسكەري جاتتىعۋ ەكى ەل اراسىندا تەررورلىققا قارسى كۇرەستەگى ىنتىماقتاستىقتى دامىتۋدى ماقسات ەتكەن. بۇل تۋرالى سول ەلدىڭ «People» باسىلىمى جازدى.

جاتتىعۋ قىتايدىڭ نيڭشيا دۇنگەن اۆتونوميالى رەگيونىنا قاراستى يۋنچۋان اۋدانىندا وتكىزىلۋدە. جاتتىعۋ تالاپتارىندا شابۋىل جاساۋ، اسكەري وپەراتسيانى جۇيەگە كەلتىرۋ، لاڭكەستەرگە قارسى تاكتيكالىق جاتتىعۋ، قارسىلىق كورسەتۋ، تاكتيكالىق جاتتىعۋ، قولباسشىلىق جاتتىعۋ، سوعىس تاكتيكاسىن الماستىرۋ، بىرلەسكەن اسكەري بولىمشەلەردىڭ ارەكەتىن ۇلەستىرۋ جانە  لاڭكەستەرگە ورتاق سوققى بەرۋ قاتارلى تۇرلەرگە بولىنگەن.

قىتاي قورعانىس تاراۋلارىنىڭ مالىمەتىنە قاراعاندا بىرلەسكەن جاتتىعۋ 12 كۇنگە جالعاسادى. ەكى ەلدەن 3 رەسمي اسكەري قوسىن قاتىستى. ونىڭ ءبارى دە ارناۋلى جاساقتاردان قۇرالعان اسكەري بولىمدەر. جاتتىعۋدا رەسەي مەن قىتاي اسكەري ونەركاسىبىنىڭ سوڭعى ونىمدەرى سىناقتان وتكىزىلدى.

“The Qazaq Times”