ۇلىبريتانيانىڭ پرەمەرى تەرەزا مەي. فوتو: WSJ.

ۇلىبريتانيا ۇكىمەتى مەن ەۋرووداق بەيسەنبى كۇنى كەشتە ۇلىبريتانيانىڭ ەو-دان شىعۋى ماسەلەسىن تالقىلاۋدا تىڭ سەرپىلىس تانىتتى. ەو وكىلدەرىنىڭ بەرگەن مالىمەتىنە قاراعاندا ۇلىبريتانيا پرەمەر-ءمينيسترى بۇگىن كەلىسسوز ۇستەلىنە كەلمەك. بۇل تۋرالى «WSJ» باسىلىمى حابارلادى.

وسى اپتا بريتانيا مەن ەو اراسىندا كەلەسى اپتادا بولاتىن كەلىسسوزدىڭ جاڭا كەزەڭىنىڭ دايىندىق وتىرىستارىن وتكىزۋدە. بۇل وتىرىستار ارقىلى الداعى كەلىسسوز وتىرىستارىنىڭ سالماعىن جەڭىلدەتىپ، ەكى جاققا دا شەشىم جاساۋدىڭ جەڭىلدىگىن قالدىرماق. ەو وكىلدەرىنىڭ ايتۋىنشا وسى اپتاداعى بىرنەشە كەزدەسۋ برەكسيت كەلىسسوزدەرىندە تىڭ سەرپىلىس اكەلگەن.

ەكى تاراپ ءۇشىن دە ەڭ كۇردەلى ماسەلە يرلانديا شەكاراسىنداعى قاتاڭ شەكارالىق بوگەۋدى قالاي بولدىرماۋ ءىسى بولىپ وتىر. بۇل ماسەلە بويىنشا ۇلىبريتانيانىڭ دەموكراتيالىق پارتياسى بريتانيا ۇكىمەتى مەن ەۋرووداق اراسىنداعى دۇيسەنبى كۇنگى كەلىسىمگە رازى بولماي وتىر. تەرەزا مەيدىڭ كونسەرۆاتيۆتىك پارتياسى بولسا قارسى پارتيانىڭ نارازىلىعىن بولدىرماۋ ءۇشىن سولتۇستىك يرلانديا پارلامەنتىنىڭ قولداۋىنا مۇقتاج. بۇل ماسەلە توڭىرەگىندە ەكى ۇكىمەتتىڭ باسشىلارى تەلەفوندا دا سويلەسكەن.

بۇگىن تەرەزا مەي بريۋسسەلگە كەلىپ، ەكى تاراپ اراسىنداعى ەڭ كۇردەلى تاقىرىپتار تۋرالى كەڭەس وتكىزەدى.

“The Qazaq Times”