يران كاسپي توڭىرەگىندەگى ەلدەرمەن ىنتىماقتاسۋعا مۇددەلى

ماسكەۋدە بولعان كاسپي توڭىرەگىندەگى ەلدەردىڭ سىرتقى ىستەر مينيسترلەرى كەزدەسۋىنىڭ 7-ءشى وتىرىسىندا، يران جاق وڭىردەگى ىنتىماقتاستىق كولەمىن كەڭەيتۋ تۋرالى بىرقاتار ۇسىنىستاردى ورتاعا قويدى. بۇل تۋرالى سول ەلدىڭ «پارس.تۋدەي» اقپارات اگەنتتىگى سايتىندا حابارلادى.

كەزدەسۋ وتىرىسى كەزىندە يران ءسىم باسشىسى كاسپي تەڭىزىندەگى تەرريتوريا قۇقىعى ماسەلەسىن شەشۋمەن قاتار، ورتاق ينۆەستيتسيا قورىن اشۋ، ورتاق كەدەندىك باقىلاۋ جانە مادەني-ەكونوميكالىق بايلانىستاردى دامىتۋ قاتارلى ۇسىنىستاردى العا قويدى. يران جاقتىڭ ۇسىنىستارى اراسىندا تۋريزم مەن قاتىناس تاسىمالدى، ۆيزالىق قىزمەتتەردى جەڭىلدەتۋ جاقتارى دا ايتىلعان.

سوڭعى جىلدارى، اسىرەسە يراننىڭ باتىس ەلدەرىمەن اراسىنداعى قايشىلىعى ارتقان سايىن، رەسەي جانە كاسپي تەڭىزى اينالاسىنداعى ەلدەرمەن ىنتىماقتاستىققا دەگەن ىنتاسى ارتىپ وتىر. كاسپي تەڭىزى ارقىلى قارا تەڭىز، بالتىق تەڭىزى، كاۆكاز ءوڭىرى قاتارلى ەكونوميكالىق، ستراتەگيالىق ماڭىزدى ايماقتارمەن تۇتاسۋعا بولاتىنى، يراننىڭ ۇزاق بولاشاعى ءۇشىن اسا ماڭىزدى بولماق.

“The Qazaq Times”