ەردوعان يەرۋساليم ماسەلەسى بويىنشا ترامپقا ەسكەرتۋ جاسادى

تۇركيا پرەزيدەنتى ءارى بيلىكتەگى ادىلەت جانە دامۋ پارتياسىنىڭ جەتەكشىسى رەجەپ تايىپ ەردوعان اتالعان پارتيانىڭ ءماجىلىسى كەزىندە اقش-قا قاراتا ەسكەرتۋ جاساپ: «يەرۋساليم – مۇسىلمانداردىڭ قىزىل سىزىعى» دەدى. بۇل تۋرالى سول ەلدىڭ «انادولى» اقپاراتتىق اگەنتتىگىنىڭ رەسمي سايتى حابارلادى.

تۇركيا پرەزيدەنتى ەردوعان قۇراما شتات پرەزيدەنتى دونالد ترامپتىڭ يەرۋساليمدى ءيزرايلدىڭ استاناسى دەپ تانيتىنى جونىندە الاڭداۋشىلىق ءبىلدىردى. ول سوزىندە: «قۇرمەتتى ترامپ مىرزا، يەرۋساليم – مۇسىلمانداردىڭ قىزىل سىزىعى. بۇل قادام ءبىزدى يزرايلمەن ديپلوماتيالىق قارىم-قاتىناسىمىزدى ۇزۋگە دەيىن اپارۋى مۇمكىن. اقش-قا تاعى ءبىر رەت ەسكەرتەمىز – مۇنداي قادام جاساۋعا بولمايدى. اقش-تىڭ بارلىق جۇمىسى ءبىتىپ، دايش-پەن كۇرەسى اياقتالىپ، وسى عانا قالدى ما؟»، – دەدى.

تۇرىك ۇكىمەتى يسلام ىنتىماقتاستىق ۇيىمىنىڭ توراعاسى رەتىندە بۇل ماسەلەنى ۇنەمى نازاردا ۇستايتىنىن جەتكىزدى. سونىمەن بىرگە اقش يەرۋساليم تۋرالى اتالعان قادامعا باراتىن بولسا، 5-10 كۇن ىشىندە يىۇ-نىڭ ءماجىلىسىن ستامبۋلدا وتكىزەتىندەرىن مالىمدەدى.

“The Qazaq Times”