بريۋسسەلدە وفشورلى ەلدەردىڭ «قارا ءتىزىمى» بەكىتىلدى

ەۋروپالىق وداق ەلدەرىنىڭ قارجى مينيسترلەرى سالىق ەسەبى بويىنشا بايلانىستا بولعىسى كەلمەيتىن ەلدەردىڭ ءتىزىمىن جاسادى. اتالعان تىزىمگە الەمنىڭ 17 ەلى كىرىپ وتىر جانە ولاردىڭ كوپشىلىگى وفشورلى ايماقتاعى ەلدەر، دەپ حابارلايدى روسبالت.

جاريالانعان "قارا تىزىمگە" ەنگەن ەلدەر مىنالار: امەريكا سامواسى، باحرەين، باربادوس، گرەنادا، گۋام، ماكاو، مارشال ارالدارى، موڭعوليا، ناميبيا، بىرىككەن اراب امىرلىكتەرى، پالاۋ، پاناما، سەنت-ليۋسيا، ساموا، ترينيداد جانە توباگو، تۋنيس پەن وڭتۇستىك كورەيا.

بۇدان بولەك، سالىق ەرەجەلەرى ەو ستاندارتتارىنا سايكەس كەلمەيتىن 47 ەلدىڭ دە «سۇر ءتىزىمى» جاريالاندى، بىراق بۇل ءتىزىم جاقىن ارادا قايتا قارالۋى مۇمكىن.

"ەۋروپا شىندىعى" باسىلىمىنىڭ مالىمەتىنشە، Panama Papers اتتى وفشورلى قۇجاتتار جاريالانعاننان كەيىن ەۋروپالىق وداق بىرىڭعاي "قارا ءتىزىم" قۇرۋ تۋرالى شەشىم شىعارعان. ال ەو-عا مۇشە ءار ەلدىڭ قازىرگى كەزدە سالىق ماسەلەلەرىنە ءالسىن-ءالسىن كەلىسىم بەرەتىن ءوز يۋريسديكتسيالارى بار.

ايتا كەتەيىك، 2015 جىلى جاريالانعان Panama Papers وفشورلى قۇجاتتارىندا قازاقستاندىق ساياسي تۇلعالاردىڭ اتى اتالعان بولاتىن.

“The Qazaq Times”