ۋكراينا ءالى بىرنەشە جىل كرەديتپەن ءومىر سۇرۋگە ءماجبۇر

ۋكراينا ۇلتتىق ەكونوميكاسىن ساقتاپ قالۋ ءۇشىن تاعى بىرنەشە جىل سىرتتان قارىز الۋعا  ءماجبۇر. بۇل تۋرالى مەملەكەت ۇكىمەتىنىڭ باسشىسى ۆلاديمير گرويسمان ICTV تەلەارناسىنىڭ ەفيرىندە مالىمدەدى. 

ء"بىز بىرنەشە جىل بويى تاۋەلدىلىك تانىتۋعا ءماجبۇر ەكەنىمىزدى تۇسىنەمىز. ويتكەنى بىزگە ەكونوميكالىق ءوسىمدى رەتكە كەلتىرۋ كەرەك. بىراق قارىزدى جيناي بەرمەي، ول بويىنشا ەسەپ جۇرگىزۋىمىز كەرەك", - دەدى گرويسمان.

وسى جىلى ۋكريناعا قارجىلاي كومەك كورسەتىپ وتىرعان حالىقارالىق ۇيىمدار قارجىلىق قولداۋدى بىردەن ازايتقان. ال حالىقارالىق ۆاليۋتا قورى مەن ەۋروپالىق وداق ۋكراينا زەينەتكە شىعۋ جاسىن كوتەرىپ، جەمقورلىق دەڭگەيى تومەندەمەيىنشە، كيەۆكە قارجى بەرۋدى توقتاتقان.

ۋكراينا ۇلتتىق بانكىنىڭ مالىمەتىنشە، رەسپۋبليكا 7 ملرد دوللاردان اسا قارىزىن 2018-2021 جىلدار ارالىعىندا جىل سايىن تولەپ وتىرۋ كەرەك. بۇدان بۇرىن كيەۆ سىرتقى كرەديتتى تولەۋ ءۇشىن جىل سايىن جالپى ىشكى ءونىمىنىڭ
4-5%-ىن نەمەسە 4-5 ملرد دوللارىن جۇمساپ وتىرعان.

"ۆەستي.ەكونوميكا" سايتىنىڭ مالىمەتىنشە، ۋكراينانىڭ مەملەكەتتىك قارىزى وسى جىلدىڭ قىركۇيەك ايىندا 470 ملن دوللارعا ءوسىپ، 77 ملرد دوللارعا جەتكەن.

دەگەنمەن گرويسمان 2018 جىلى ەلدەگى ورتاشا جالاقى دەڭگەيىن 10 مىڭ گريۆەنگە (368 دوللار) كوتەرۋگە ۋادە بەردى. ال بيلىك بولسا "جالپى ىشكى ءونىم كولەمى 3%-عا وسەدى" دەپ وتىر. 

“The Qazaq Times”