مۇحاممەد بين سالمان مەن ريك پەرري. فوتو: Reuters.

ساۋد ارابياسىنىڭ تاق مۇراگەرى، ءارى ەلدىڭ قورعانىس ءمينيسترى مۇحاممەد بين سالمان ساۋد جۇرتىنا ساپارلاي كەلگەن اقش ەنەرگەتيكا ءمينيسترى ريك پەرريمەن كەزدەستى. بۇل تۋرالى «انادولى» اقپاراتتىق اگەنتتىگى حابارلاعان بولاتىن.

ەكى ەلدىڭ مينيسترلەرىنىڭ كەزدەسۋى كەزىندە مۇناي-حيميا يندۋسترياسى، ينفراقۇرىلىم جانە ەنەرگيا سالاسىندا ورتاق ينۆەستيتسيا سالۋ، قورشاعان ورتا، ونەركاسىپ جانە ەنەرگيا سەكتورلارىندا ەكىجاقتى ستراتەگيالىق ىنتىماقتاستىق ىستەرى تالقىلانعان.

مۇحاممەد بين سالمان ساۋد ارابيا ەنەرگيا نارىعىنىڭ تۇراقتىلىعى، ءوندىرۋشى مەن تۇتىنۋشى قامتىعان الەمدىك ەنەرگيا نارىعىنداعى ماڭىزدىلىعىنا توقتالدى. تاق مۇراگەرى ساۋد ارابياسىن 2020 جىلدان كەيىن مۇنايعا تاۋەلدىلىكتەن قۇتقاراتىن جاڭا ساياساتتاردى جولعا قويعالى وتىر.

كەزدەسۋدە ساۋد ارابياسىنىڭ ەنەرگيا، ونەركاسىپ جانە كەن رەسۋرستارى مينيسترلەرى مەن اقش ەنەرگەتيكا مينيسترلىگىنىڭ وكىلدەرى بولدى.

“The Qazaq Times”