اقش پەن وڭتۇستىك كورەيا اۋە كۇشتەرىنىڭ ورتاق اسكەري جاتتىعۋى باستالدى. كەزەكتى بىرلەسكەن جاتتىعۋ ەكى ەلدىڭ وسىعان دەيىن بىرلەسە وتكىزگەن اسكەري جاتتىعۋلارى اراسىنداعى ەڭ كولەمدىسى. بۇل تۋرالى «شينلاڭ» اقپاراتتىق اگەنتتىگى حابارلادى.
اقش ااك-ءنىڭ بىرنەشە كۇن بۇرىن جاريالاعان مالىمەتىندە، جاتتىعۋعا ەكى ەلدەن 12 مىڭنان اسا جاۋىنگەر مەن 230 سوعىس ۇشاعى قاتىساتىنى ايتىلعان. جاتتىعۋ تولىق 5 كۇنگە جالعاسادى.
بۇل رەتكى اسكەري وقۋ-جاتتىعۋعا تارتىلعان سوعىس ۇشاقتارى اقش اۋە كۇشتەرىنىڭ ەڭ ايبىندى، سوڭعى سوعىس تەحنولوگياسىندا جاسالعان ۇشاقتارى. اسىرەسە، Raptor جويعىش ۇشاعى اقش اۋە كۇشتەرىنىڭ وزىق اسكەري تەحنيكاسى. كەزەكتى جاتتىعۋعا 6 Raptor ۇشاعى قاتىستىرىلعان. بۇل ەكى ەلدىڭ اسكەري الماسۋلارىندا بۇدان بۇرىن بولىپ كورمەگەن.
وڭتۇستىك كورەيانىڭ اۋە كۇشتەرى جاعىنان جاتتىعۋعا F-15K, KF-16, F-5 قاتارلى ۇشاقتار قاتىستى. اقش پەن وڭتۇستىك كورەيا بۇل جاتتىعۋ ارقىلى سولتۇستىك كورەيانىڭ سوڭعى قۇرلىقارالىق بالليستيكالىق زىمىرانىنا جاۋاپ بەرمەك.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟