فوتو: baribar.kz

الماتى وبلىسى تالعار قالاسىندا  قر ءبىلىم جانە عىلىم ۆيتسە-ءمينيسترى بيبىگۇل اسىلوۆانىڭ قاتىسۋىمەن "ورتا ءبىلىم بەرۋدى جان باسىنا قارجىلاندىرۋ " جوباسىنىڭ پرەزەنتاتسياسى ءوتتى. سونداي-اق، تانىستىرىلىمعا "قارجى ورتالىعى" اق پرەزيدەنتى اسقار يبراگيموۆ جانە الماتى وبلىسى تالعار قالاسى مەكتەپتەرىنىڭ ديرەكتورلارى قاتىستى.

جان باسىنا شاققانداعى قارجىلاندىرۋ 2018 جىلى كوللەدجدەردە، ال 2019 جىلى مەكتەپتەردە پيلوتتىق جوبا تۇرىندە ەنگىزىلەدى. بۇل باعدارلاما باسەكەلەستىك پەن مەكتەپ جانە وقۋ باعدارلاماسىنىڭ ساپاسىن ارتتىرۋعا باعىتتالعان. نەگىزى جوبا 2012 جىلدىڭ قىركۇيەگىنەن باستاپ قولعا الىنا باستاعان. ال 2013 جىلدىڭ 30 قازانىندا ادىستەمە بعم-نىڭ №440 بۇيرىعىمەن بەكىتىلىپ، سول جىلدان باستاپ پيلوتتى جوبا رەتىندە ەنگىزىلدى. قازىرگى كەزدە قازاقستان بويىنشا 73 مەكتەپتە پيلوتتى جوبا رەتىندە جۇزەگە اسىرىلعان.

جان باسىنا شاققانداعى قارجىلاندىرۋ جوباسى ەنگىزىلگەن مەكەتەپتەردىڭ  ىشىندە الماتى وبلىسى تالعار قالاسىنداعى №5,14,16,49 مەكتەپتەرى بار.

«2020-2021 جىلدان باستاپ ەلدەگى بارلىق تولىق جابدىقتالعان مەكتەپتەر جان باسىنا قارجىلاندىرۋ جۇيەسىنە وتەدى. سەبەبى ءبىز مەكتەپتەردەگى ادىستەمەنى ءبىرىزدى ەتۋىمىز كەرەك. ماسەلەلەر بولسا، شەشۋ جولدارىن قاراستىرىلۋى كەرەك. سوندىقتان، تالعار اۋدانى مەكتەپتەرىنىڭ ۇجىمىمەن كەزدەسۋ وتكىزىپ جاتىرمىز»، - دەدى ۆيتسە-مينيستر بيبىگۇل اسانوۆا.

ال جالپى جوبانى ەنگىزۋدىڭ نەگىزگى العىشارتتارى مىنالار:

  • مۇعالىمگە ەڭبەكاقى تولەۋدىڭ جاڭا جۇيەسى. ياعني ۇستازدىڭ جۇمىس وتىلىنە، كاتەگورياسىنا قاراماستان ونىڭ بارلىق ءبىلىم بەرۋ قىزمەتىندە ۇزدىك نىتيجەلەر كورسەتكەنى ءۇشىن سىياقى تولەۋ;
  • بۇدان مۇعالىم ءوز ەڭبەگىنىڭ شىنايى باعالاناتىنىن كورەدى;
  • جان باسىنا شاققانداعى قارجىلاندىرۋ مەكتەپتە جاس، دارىندى مۇعالىمدەردى تارتۋعا مۇمكىندىك بەرەدى. مۇعالىمدەرگە ءوزىن ءوزى دامىتۋعا مۇمكىندىك تۋادى.
  • سونداي-اق، جان باسىنا شاققاندا قارجىلاندىرۋ جوباسى ەنگىزىلگەنگە دەيىن ساپا بويىنشا ديرەكتور كۇرەسەتىن بولسا، ەندى مەكتەپ اكىمشىلىگى دە ساپانى ارتتىرۋعا ات سالىسادى.

جوبانى تانىستىرعان "قارجى ورتالىعى" اق پرەزيدەنتى اسقار يبرايموۆتىڭ سوزىنشە، بۇل جوبانى ەنگىزبەس بۇرىن حالىقارالىق تاجىريبەلەر قاراستىرىلاعان. سوندىقتان مۇنى جاڭا جۇيە ەمەس، ءبىلىم بەرۋدە جاسالىپ وتىرعان جاڭا قادام دەپ اتاۋ كەرەك. سەبەبى بۇل جوبا الەمدە تانىمالدىققا يە.

"جوبادا مۇعالىم ءوزىنىڭ ەڭبەكاقىسىنا بايلانىستى قانداي ايىرماشىلىق بولعانىن كوردى دەۋگە بولادى. مەكتەپتىڭ قامقورشىلار كەڭەسى دە جۇمىسقا بەلسەندى كىرىسىپ، ديرەكتوردىڭ مۇعالىمدەر تۋرالى اناليزىنە قىزىعۋشىلىق تانىتا باستادى. ءتىپتى مەكتەپتەر اراسىندا باسەكەلەستىك پايدا بولادى جانە اركىم جەتىستىككە جەتۋگە تالپىنادى. ءار مۇعالىم جاڭا ناتيجەگە جەتۋگە موتيۆاتسيا الادى" - دەيدى يبرايموۆ.

ال تالعار قالاسىنداعى №49 مەكتەپتىڭ ديرەكتورى الماگۇل اسانوۆا بولسا العاشقى جىلدارى جوبانى بىردەن باستاپ كەتۋ قيىن بولعانىن ايتادى. سەبەبى العاشىندا ميلليونداعان قارجى بولىنگەندىكتەن، ونى ورنىمەن جۇمساۋ باستى مىندەت بولعان.

"2013 جىلى جوسپاردى ورىنداۋ ماقساتىندا مەكتەپتەگى جەتىستىكەر ەسكەرىلە وتىرىپ، 24 مۇعالىمگە قوسىمشا ىنتالاندىرۋ سىياقىسى بەرىلدى. بۇعان قالعان مۇعالىمدەردىڭ دە قىزىعۋشىلىعى ارتتى. سەبەبى قوسىمشا قارجى ەشكىمگە ارتىق بولمايدى. وسىلاي ۇجىمداعى ۇستازداردىڭ شىعارماشىلىعى ارتا باستادى", - دەيدى اسانوۆا.

“The Qazaq Times”