تۇركيا سوتى 28 ادامدى ءومىر بويى باس بوستاندىعىنان ايىرۋدى – دەپ حابارلايدى Dogan اقپارات كوزى.

جەرگىلىكتى باق وكىلدەرىنىڭ مالىمەتىنشە، قاراشا ايىنىڭ 29-ى كۇنى تۇركيا سوتى 2016 جىلى ەلدە مەملەكەتتىك توڭكەرىس جاساماق بولدى دەگەن كۇدىكپەن ۇستالعان 28 اسكەري قىزمەتكەردى ءومىر بويى باس بوستاندىعىنان ايىرۋعا ۇكىم شىعارعان.  بۇدان بولەك تۇركيا بيلىگى اتالمىش وقيعاعا قاتىسى بار 333 ادامدى قاماۋعا الۋعا بايلانىستى قۇجاتتاردى جاريا ەتكەن.

قازىرگى تاڭدا تۇركيادا ەردوعان بيلىگى ءوزىنىڭ ساياسي قارسىلاسى فەتحۋللاح گۇلەنمەن قاتىسى بار ادامداردىڭ بارلىعىن قاماۋعا الۋدا. رەسمي انكارانىڭ سوزىنشە، 2016 جىلى 16 شىلدە كۇنى ەلدە مەملەكەتتىك توڭكەرىس جاساماقشى بولعان ءدال وسى فەتحۋللاح گۇلەن جاقتاستارى.

“The Qazaq Times”