فوتو: AFP

تۇركيا پرەزيدەنتى رەدجەپ تايىپ ەردوعان جاقىن ۋاقىتتا ۇكىمەت ايەلدەردى زورلىق-زومبىلىق فاكتىلەرىنەن قورعاۋ رەفورماسىنىڭ جوسپارى دايىن بولاتىنىن حابارلادى. بۇل تۋرالى ول بۇكىلالەمدىك ايەلدەردى ولارعا قارسى كۇش كورسەتۋ، زۇلىمدىق تانىتۋ وقيعالارىنان قورعاۋ كۇنىنە وراي ۇلكەن اۋديتوريانىڭ الدىندا سويلەگەن سوزىندە ايتتى. 

تۇركيا پرەزيدەنتى ايەلدەرگە قول كوتەرۋ نە زۇلىمدىق كورسەتۋدى ادامزاتقا جاسالعان ساتقىندىق دەپ اتادى. ول وسىنداي ساتقىندىققا بارعان ءاربىر ازاماتتىڭ جازالانۋى ءتيىس ەكەندىگىن اتاپ ءوتتى. ايەلدەردىڭ قوعامداعى ءرولى مەن ماڭىزدىلىعى جونىندە دە پىكىر ءبىلدىرۋدى ۇمىتپاعان پرەزيدەنت تۇركيانىڭ وتباسى ىستەرى جانە الەۋمەتتىك ساياسات جونىندەگى مينيسترلىكتىڭ ايەلدەرگە كۇش كورسەتۋدىڭ 20 مىڭ فاكتىسىن زەرتتەگەنىن ەسكەرتتى.

بۇۇ بۇكىل ايەلدەردىڭ ۇشتەن ءبىرى ومىرىندە ءبىر رەت بولسىن، كۇش كورسەتۋ فاكتىسىنە ۇشىرايتىنى تۋرالى اقپارات تاراتتى. ۇيىمنىڭ باس حاتشىسى انتونيۋ گۋتتەرەش بۇكىل الەمدەگى قىزدار مەن ايەلدەردىڭ تىنىشتىقتا ءومىر ءسۇرۋى ءۇشىن بارلىق تاراپتار كۇش سالۋى كەرەكتىگىن ايتقان بولاتىن.

“The Qazaq Times”