فوتو: ۆۆس

جۇما كۇنى ماليدە بولعان قوس شابۋىلدان بۇۇ-نىڭ وڭىردە بەيبىتشىلىك ميسسياسىمەن جۇرگەن 4 قىزمەتكەرى قازا تاپتى. بۇۇ اسكەرى مەن ارنايى وكىلدەرى مۇندا ءوڭىر تۇراقتىلىعىن قامتاماسىز ەتۋ ءۇشىن 2013 جىلى جىبەرىلگەن بولاتىن. قازا تاپقان قىزمەتكەرلەردىڭ ۇلتى مەن ازاماتتىعى تۋرالى اقپارات بەرىلگەن جوق. بۇل تۋرالى ۆۆس اقپاراتتىق اگەنتتىگى جازدى. 

نيگەر جانە بۋركينو فاسومەن شەكارالاس مەملەكەتتە يسلام اسكەري توپتارى ءماليدىڭ جەرگىلىكتى كۇشتەرى مەن حالىقارالىق قىزمەتكەرلەرگە ءجيى شابۋىلدار ۇيىمداستىرادى. وسى ۋاقىتقا بۇۇ وسى اۋماقتا ءوزىنىڭ 146 وكىلىن جوعالتقان.

شابۋىل قۇرباندارى جەرگىلىكتى حالىققا العاشقى كومەك كورسەتۋ، ولاردى قورعاۋ، وڭىردە تۇراقتىلىقتى قامتاماسىز ەتۋ ميسسيالارىن ورىنداۋمەن اينالىسقان. قازا تاپقانداردان بولەك، تاعى 15 ادامنىڭ جارالانعانى تۋرالى اقپارات بار.

“The Qazaq Times”