يەمەنگە ساۋد ارابياسى كواليتسياسى بلوكادا ورناتقالى ءۇش اپتاعا جۋىق ۋاقىتتان كەيىن العاشقى گۋمانيتارلىق كومەك جەتكىزىلدى. بۇۇ-نىڭ وكىلى ەل استاناسى سااناعا كەلىپ قونعان ارنايى ۇشاقتا 1,9 ملن مولشەردەگى ەكپە بار ەكەنىن ايتتى. APF جۋرناليستەرى ونان بولەك بۇۇ مەن "قىزىل كرەست" ۇيىمىنىڭ قىزمەتكەرلەرى مىنگەن تاعى ءۇش ۇشاق يەمەنگە كەلگەنىن حابارلادى.
گۋمانيتارلىق كومەك ساۋد ارابياسى كواليتسياسى بلوكادانى اشۋعا رۇقسات بەرگەننەن كەيىن 3 كۇننەن سوڭ جەتكىزىلدى. الدىل الا كەلىسىمدەر بويىنشا تەڭىز پورتى مەن ەل استاناسىنىڭ اۋەجايى اشىلدى. دەگەنمەن وسى بەيسەنبىدە تەڭىز ارقىلى جەتكىزىلۋى كەرەك بولعان كومەك كەشىگىپ جاتىر.
بۇۇ وكىلدەرى مىڭداعان جازىقسىز ادامداردى اشتىق پەن ىندەتتەن قۇتقارۋ ءۇشىن ءبىر عانا پورت پەن اۋەجايداعى شەكتەۋلى رەيستەر جەتكىلىكسىز ەكەنىن ايتادى. ولار باسقىنشىلاردىڭ قولىنداعى وزگە دە تەڭىز پورتتارىنىڭ اشىلعانىن قالايدى.
بۇۇ-نىڭ مالىمەتىنشە، يەمەندە 20 ملن ادام گۋمانيتارلىق كومەككە مۇقتاج. ولاردىڭ 11 ملن - بالالار. 400 مىڭ تۇرعىن ازىق-تۇلىك جەتىسپەۋشىلىگىنەن اشتىقتىڭ الدىندا تۇر.
ايتا كەتەيىك، بۇعان دەيىن اتالعان ەلگە گۋمانيتارلىق كومەك جەتكىزىلەتىنى تۋرالى حابارلانعان بولاتىن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى