يراك پرەمەرى «يسلام مەملەكەتىنە» قارسى كۇرەستىڭ تولىق جەڭىسپەن اياقتالعانىن مالىمدەدى

يراك ۇكىمەتىنىڭ ەلدەگى وزدەرىن «يسلام مەملەكەتى» دەپ اتاعان تەررورلىق توپقا قارسى كۇرەسى وتكەن جىلدىڭ قازان ايىندا باستاعان ەدى. التى ايدان كەيىن يراك ارمياسى لاڭكەستەردى موسۋل قالاسىنداعى نەگىزگى بازاسىنا دەيىن قۋىپ كەلدى. موسۋلدى ازات ەتكەننەن كەيىن «يم» كۇشتەرىنىڭ قۋاتى السىرەپ، سوعىستا ارت-ارتىنان جەڭىلىس تاپتى. ءبىر جىلعا سوزىلعان سوعىستان كەيىن يراك ۇكىمەتى «يسلام مەملەكەتى» سودىرلارىن ەلدەن تولىقتاي الاستادىق دەپ حابارلادى.

«People» باسىلىمىنىڭ حابارىنا قاراعاندا، ءبىر كۇن بۇرىن يراك پرەمەر-ءمينيسترى ابادي رەسمي مالىمدەمە جاساپ، «يسلام مەملەكەتى» لاڭكەستىك توبىن ەلدەن جوق ەتكەندەرىن جاريا ەتتى. بۇل رەسمي مالىمدەمە يراك ۇكىمەتىنىڭ «يسلام مەملەكەتىنە» قارسى سوعىسىنىڭ تولىققاندى جەڭىسىن جانە بۇل كۇرەستىڭ ءوز مارەسىنە جەتكەنىن كورسەتەدى.

ابادي مينيسترلەر كابينەتىنىڭ كەزدەسۋىنەن كەيىنگى ءباسپاسوز ءماسليحاتىندا: «سوڭعى ءۇش جىلدا يراك تەرروريزممەن كۇرەستە ەلەۋلى جەتىستىكتەرگە قول جەتكىزدى. لاۆا قالاسىن ازات ەتكەننەن كەيىن «يسلام مەملەكەتى» سودىرلارىنىڭ ەلدە ەشبىر تابان تىرەر تياناعى قالمادى. البەتتە، ءبىز اسكەري كۇش ارقىلى «يسلام مەملەكەتىن» تالقاندادىق»، – دەدى.

“The Qazaq Times”