رەسەيدىڭ اسكەري ۇشاقتارى. فوتو; International Business Times.

كەلەسى جىلى ۇلىبريتانيادا وتكىزىلەتىن «Farnborough» حالىقارالىق اۆياتسيا كورمەسىنە رەسەي ۇشاقتارى قاتىستىرىلمايتىن بولدى. ۇيىمداستىرۋشىلاردىڭ بەرگەن مالىمەتىنە قاراعاندا، بۇل شەشىم ەۋرووداق قابىلداعان «رەسەي سوعىس قارۋلارىن يمپورتتاۋ جانە ەكسپورتتاۋعا قارسى ەمبارگوسىنا» بايلانىستى شىعارىلعانى ءمالىم بولدى. بۇل تۋرالى «شينلاڭ» اقپاراتتىق سايتى حابارلادى.

رەسەي اسكەري تەحنيكا ىنتىماقتاستىعى سەرۆيسىنىڭ ورىنباسار ديرەكتورى اناتولي پۋنچۋك جاساعان مالىمەتىندە اعىلشىنداردىڭ بۇل شەشىمىنە نارازىلىق ءبىلدىردى. ءارى بۇنىڭ وسى سالاداعى باسەكەلەستىكتىڭ اۋىر سىنىنا بەتپە-بەت كەلۋ ەكەنىن العا تارتتى.

رەسەي پارلامەنتىنىڭ تومەنگى پالاتاسى دۋماداعى  سىرتقى قاتىناستار كوميتەتى جاساعان مالىمدەمەدە بۇل شەشىم رەسەي ەكونوميكاسىنا كەرى ىقپال جاساۋ ءۇشىن شىعارىلعان شەشىم ەكەنى ايتىلدى. باتىس ەلدەرى جىل وتكەن سايىن رەسەي اسكەري قارۋ-جاراقتارىن ساتۋ مەن ساتىپ الۋعا شەكتەۋدى كۇشەيتىپ كەلەدى.

“The Qazaq Times”