رەسەي ۇشاقتارى يدليبتەگى سوعىس بىلتەسىن تارتتى

سۇرياداعى ادام قۇقىقتارى ۇيىمى مالىمدەمە تاراتىپ، رەسەي ۇشاقتارىنىڭ يدليب ايماعىن بومبالاي باستاعانىن حابارلادى. بۇل رەسەي اۋە كۇشتەرىنىڭ 22 كۇندىك ۇزىلىستەن كەيىن باستاعان اۋە وپەراتسيالارى بولىپ تابىلادى. بۇل تۋرالى «انادولى» اقپاراتتىق اگەنتتىگى حابارلادى.

حابارعا قاراعاندا، رەسەي يدليب ايماعىنا شابۋىل جاساۋعا دايىندالعان باشار اساد رەجيمىنە قولداۋ كورسەتۋگە دايىن. يدليب ءسۇريا وپپوزيتسيالىق توپتارىنىڭ سوڭعى تۇراعى. يدليب قالاسى مەن وعان جاقىن ماڭدا 4 ميلليونعا جۋىق ادام ءومىر سۇرەدى.

ەۋروپا مەن تۇركيا يدليبتە سوعىس باستالاتىن بولسا، ونداعى تۇرعىنداردىڭ اۋقىمدى ميگراتسيانى قالىپتاستىراتىنىن، بوسقىنداردىڭ ەۋروپا مەن تۇركيا ءۇشىن ۇلكەن پروبلەماعا ايلانۋى مۇمكىن دەپ الاڭدايدى.

بۇۇ مالىمەتىنە قاراعاندا، يدليب ايماعىندا سوعىس باستالسا 700 مىڭ ادامعا جۋىق بوسقىنداردىڭ قونىس اۋدارۋى بولماق.

“The Qazaq Times”