رەسەي اسكەري ارەكەتتەرىنىڭ جيىلەپ كەتۋىندە نە سىر جاتىر؟

قىتاي مەن كورەيا اقپارات قۇرالدارىنىڭ حابارىنا قاراعاندا، رەسەي ءبىر ۋاقىتتا اقش-تىڭ شىعىس ەۋروپاداعى جانە سولتۇستىك شىعىس ازياداعى جاقتاستارىنا ارناۋلى «كونكۋرس» جۇرگىزىپ وتىر ەكەن. رەسەي قورعانىس مينيسترلىگى 24 تامىز كۇنگى حابارىندا: «جاپونيا مەن وڭتۇستىك كورەيانىڭ جاۋىنگەرلىك توتەنشە جاعدايىنا جاۋاپ قايتارۋ ماقساتىندا، رەسەيلىك يادرولىق ستراتەگيالىق بومبالاۋشى ۇشاق تىنىق مۇحيت سۋلارى بويىنشا ميسسيالاردى جۇزەگە اسىرادى» - دەلىنگەن. سونىمەن ءبىر ۋاقىتتا رەسەي كەلەسى ايدا جوسپارلانعان «باتىس 17» اسكەري جاتتىعۋعا دايىندالۋدا. بۇل تۋرالى قىتايدىڭ «شينلاڭ» اقپاراتتىق اگەنتتىگى جازعان بولاتىن.

رەسەي قورعانىس مينيسترلىگىنىڭ 24 تامىزداعى حابارلاماسىندا، رەسەيدىڭ تۋ-95MS ءبومبارديرى، سۋ-35S جاۋىنگەرلىك ۇشاعى جانە ا-50 قاۋىپتىڭ الدىن-الۋ ۇشاقتارى تىنىق مۇحيتىنىڭ بەيتاراپ سۋلارىنا اتتاندىرىلادى. دەگەنمەن، رەسەيلىك تاراپ قانشا اۋە كەمەسىنىڭ اتالعان وپەراتسياعا تارتىلعانىن، تاپسىرمانىڭ ۋاقىتى مەن ورنى تۋرالى انىقتاپ ايتىپ وتىرعان جوق.

رەسەي جاعدايىنا قاراعاندا، تۋ-95MS ستراتەگيالىق بومبالاۋشى ۇشاعىن ىسكە قوسۋ دەگەنىمىز بەيجاي قاراۋعا بولمايتىن اسكەري ارەكەت. ونىڭ بۇل اسكەري تەحنيكاسى كەڭىستىگىنە تاياپ كەتكەن ەلدىڭ ۇيقىسى قاشۋى كەرەك.

كورەي تۇبەگىندەگى بولىپ وتكەن امەريكا قۇراما شتاتتارى مەن وڭتۇستىك كورەيا بىرلەسكەن «ەركىن قورعانىس» اسكەري جاتتىعۋى وڭىردە ۇلكەن ءدۇمپۋ تۋدىردى. دەگەنمەن مىنانى دا ەسكەرۋ كەرەك، رەسەي جاقتىڭ قازىرگى كىرىسكەلى وتىرعان اسكەري ارەكەتى دە شيەلەنىستى اۋىرلاتا تۇسپەسە جەڭىلدەتپەيدى. اقش پەن رەسەي ەكى مايداندا دا ءبىر بىرىنە جول بەرگىسى كەلمەيدى.

بۇدان سىرت، 4 جىلدا ءبىر رەت وتەتىن «باتىس» اسكەري جاتتىعۋى، رەسەي مەن بەلورۋسسيا اراسىندا، كەلەسى ايدىڭ 14-20 ارالىعىندا بولماق. ماسكەۋدىڭ تاراتقان مالىمەتىنە سەنسەك، بۇل ءجاي عانا اسكەري جاتتىعۋ، ول جانە اقش-تىڭ رەسەيگە قاراتقان سانكتسياسىمەن ەش قاتىسى جوق ەكەن.

وسىمەن ءبىر ۋاقىتتا، ياعني قىركۇيەك ايىندا چەحيادا «ۇلكەن ستەيك» جاتتىعۋى وتەدى. ناتو-نىڭ وسى تۋرالى حابارىندا، 8 مەملەكەتتەن 30-دان استام ۇشاق قاتىستىرىلادى. تىكۇشاقتار مەن ۇشقىشسىز ۇشاقتار دا تارتىلادى. وسى ايدىڭ 28-ىنەن باستاپ قىركۇيەككە دەيىن وقتار ءجيى اتىلىپ، اۋە مەن جەردە اسكەري تەحنيكالار رەسەيدىڭ شىعىس-باتىسىندا سابىلىسقالى تۇر.

اقش پەن رەسەيدىڭ ءبىر-بىرىنە اسكەري ايبار شەگۋى بۇنىمەن شەكتەلمەيدى. بىرەر كۇن بۇرىن عانا B-1 جانە B-52 بومبالاۋشى ۇشاقتارى ۇلىبريتانياعا ۇشىپ باردى. ولار اعىلشىن ارالىندا ايالداپ، سوڭىندا سلوۆاكيا مەن پولشاعا ۇشاتىن بولادى. بۇل دا چەحياداعى اسكەري جاتتىعۋعا بارا جاتقانى انىق.

“The Qazaq Times”