وڭتۇستىك كورەيا وزبەكستانعا دۇنيەجۇزى ساۋدا ۇيىمىنا كىرۋگە كومەكتەسەدى – دەپ حابارلايدى Sputnik وزبەكستان اقپارات اگەنتتىگى.

ەل پرەزيدەنتى شاۆكات ميرزيەەۆتىڭ وڭتۇستىك كورەياعا رەسمي ءىس-ساپارى بارىسىندا قوس تاراپ بىرنەشە كەلىسىم شارتقا قول قويعان. كەلىسىم شارت بويىنشا، وڭتۇستىك كورەيا الداعى ۋاقىتتا وزبەكستانعا دۇنيەجۇزى ساۋدا ۇيىمىنا مۇشە بولۋ ءۇشىن كومەكتەسۋى ءتيىس.

بۇعان دەيىن وزبەكستانعا كەلگەن ەۋرووداق دەلەگاتسياسى دا وزبەك ەلىنە دۇنيەجۇزى ساۋدا ۇيىمىنا كىرۋگە كومەكتەسۋگە دايىن ەكەندىگىن مالىمدەگەن بولاتىن. قازىرگى تاڭدا دسۇ-عا 164 مەملەكەت مۇشە.

“The Qazaq Times”