سولتۇستىك كورەيا اقش-قا كۇشتى قارسىلىق كورسەتتى

سارسەنبى كۇنى سولتۇستىك كورەيا قاتارىنان ەكى بىردەي مالىمدەمە جاساپ، اقش-قا كۇشتى قارسىلاستىق كوزقاراسىن تانىتتى. ەكى كۇن بۇرىن اقش پرەزيدەنتى دونالد ترامپ سولتۇستىك كورەياعا قاراتقان جاڭا ۇستانىمىن جاريا ەتىپ، سولتۇستىك كورەيانى تەرروريستىك ەل رەتىندە جاڭا سانكتسيا ەنگىزدى. كەشە جاساعان سولتۇستىك كورەيانىڭ مالىمدەمەسىندە، بۇل شەشىم قۇراما شتاتتىڭ شيەلەنىستى ديپلوماتيالىق جولمەن شەشۋ پوزيتسيانى بۇزاتىن ورىنسىز جانە ارانداتۋشىلىق ارەكەت دەپ ايىپتادى، ءارى «سوعىس جاريالاۋ» دەپ باعالادى بۇل تۋرالى “WSJ” باسىلىمى حابارلادى.

مالىمدەمەنىڭ ءبىرىن سولتۇستىك كورەيانىڭ سىرتقى ىستەرگە جاۋاپتى كوميتەتى جاريالادى. وندا دا سولتۇستىك كورەيانىڭ وتكىر ريتوريكاسىنا تولى بولعانىمەن، كەم دەگەندە سولتۇستىك كورەيا ۇستانىمدارىنان الىپ قاراعاندا، كەيبىر اسپەكتىلەردە ۇستامدىلىق تانىتقان. بۇل مالىمدەمەدە اقش پرەزيدەنتى دونالد ترامپتىڭ سولتۇستىك كورەيانى لاڭكەستىك ەل رەتىندە قابىلداعانى تۋرالى سىن-ەسكەرتۋ ايتىلمادى جانە قۇراما شتاتتارعا قارسى قانداي دا ءبىر ناقتى ءىس-قيمىل جاساۋعا تۋرالى باياندالماعان.

وندا تەك: «سولتۇستىك كورەيانى لاڭكەستىك ەل رەتىندە قابىلداۋ كۇلكىلى شەشىم، ءارى الەم بەيبىتشىلىگىنىڭ شىرقىن بۇزۋ. سولتۇستىك كورەيانىڭ لاڭكەستەرمەن ەش بايلانىسى جوق. سونداي-اق، قۇراما شتاتتار سولتۇستىك كورەياعا تەررورلىق شلياپالار كيگىزگەنىنەن الاڭدامايدى»، – دەلىنگەن. اقش لاۋازىمدىلارىنىڭ سوزىنە قاراعاندا، بۇل نەگىزىنەن سيمۆوليكالىق پراكتيكا رەتىندە كحدر تەرروريستىك ەل رەتىندە قايتا قاراۋ. اقش قازىنا دەپارتامەنتى سەيسەنبى كۇنى سولتۇستىك كورەيا مەن قىتايدىڭ كەيبىر كاسىپورىندارىنا قارسى سانكتسيالاردى جاريالادى، بۇلار كحدر-نىڭ وسىعان دەيىنگى حالىقارالىق سانكتسيالاردان جالتارۋىنا قارسى شارالار سانالادى.

پيوڭياڭ (پحەنيان) تارابىنىڭ مالىمەتىندە، سولتۇستىك كورەيانى تەررورلىق ەل رەتىندە قابىلداۋ، اقش پەن كحدر اراسىنداعى قايشىلىقتى بەيبىت شەشۋ ۇستانىمىنا قايشى ەكەنىن، ءارى سولتۇستىك كورەيانى يادرولىق باعدارلاماسىن ءتىپتى دە نىعايتۋعا يتەرمەلەيتىنىن ەسكەرتكەن. ەكى مالىمدەمەسىندە دە بۇل قادامنىڭ سولتۇستىك كورەيا يادرولىق باعدارلاماسىن جالعاستىراتىنىن ايتقان.

“The Qazaq Times”