باراك وبامانىڭ 8 جىلدىق قىزمەت كورسەتكىشى

باراك وباما بيلىك قۇرعان 8 جىلدا اقش قارجى نارىعىنا زور وزگەرىستەر الىپ كەلدى. باراك وبامانىڭ 8 جىلدىق پرەزيدەنتىك قىزمەتىنىڭ كورسەتكىشى سونى دالەلدەيدى.

باراك وباما 2009 جىلدىڭ 20 قاڭتارىندا رەسمي انت بەرىپ، پرەزيدەنتتىككە سايلانعان ۋاقىت –  اقش قور نارىعى «ىرىقسىز قۇلدىراۋعا» ۇشىراعان كەز بولاتىن. وباما پرەزيدەنتىگى ۇلىقتالعان كۇنى Poor 500 يندەكسى نە ءبارى 805 نۇكتە شاماسىندا تۇرعان بولاتىن. سەگىز جىلدان كەيىن بۇل ورىن 2267-گە كوتەرىلدى. وباما بيلىگى باستالۋدان بۇرىن S & P 500 يندەكسىندىك اقش قورلارى 235% وسكەن. جىلىنا 16,4% مولشەرىمەن قالپىنا كەلگەن. ستاتيستيكالىق بويىنشا، وباما بۇرىنعى پرەزيدەنت جورج بۋشتان (دجوردج بۋش) الدە قايدا ۇلكەن تابىستار الىپ كەلگەن.

2001 جىلعى 20 قاڭتاردان، 2009 جىلعى 20 قاڭتارعا دەيىن 8 جىلداعى بۋش بيلىگى اقش قورلارىن 30,6% كەمىتكەن. الايدا بۋشتان بۇرىنعى پرەزيدەنت كلينتون كورسەتكەن ناتيجە وبامادان جوعارى بولعان ەكەن. كلينتون بيلىكتەگى كەزدە اقش قور نارىعىنىڭ ءوسىمى 264% بولىپتى. 2009 جىلدىڭ 9 ناۋىرىزىندا باراك وبامانىڭ «اقش قور نارىعى ءوزىنىڭ ەڭ تاماشا كەزەڭىندە ساتىلىپ تۇر» دەگەن ءسوزىن اتاپ وتپەي بولمايدى. ونىڭ مولشەرلەۋى تۋرا كەلدى. قارجىلىق داعدارىستان اقش قور نارىعى ەڭ تومەنگى شەككە جەتكەن بولاتىن، ال كەيىنگى سەگىز جىلدا ول جەدەل ءوسىۋ جولىن تاۋىپ كەتتى.

Factset Research Systems-نىڭ ستاتيستيكالىق شولۋىنا نەگىزدەلگەندە، وباما بيلىگى تۇسىندا ونەركاسىپتىك تاۋارلاردان گورى، تۇتىنۋ تاۋارلارىنىڭ كىرىسى باسىم بولعان. قايتارىلىمىنىڭ ورتاشا باعامى 388% كورسەتسە، جىلدىق قايتارىلىم 20% بولعان. الايدا ەنەرگەتيكا سالاسى كەنجەلەپ قالعان. ال ەڭ تومەن كورسەتكىشتى ۇستاعان سالا اۋىلشارۋاشىلىق سالاسى بولىپ، سەگىز جىلداعى ءوسىمى ارەڭ 53 پايىزدى قۇراعان.

"The Qazaq Times"