ەردوعان كاتارداعى تۇرىك اسكەرلەرىمەن كەزدەستى

تۇركيا پرەزيدەنتى رەسەي مەن كۋۆەيت ساپارىن كاتارمەن جالعاستىردى. تۇركيا پرەزيدەنتىن كاتار ءامىرى شەيح تاميم بين حاماد ءال ساني قارسى الدى. ەكى ەلدىڭ باسشىلارى وڭاشا كەڭەسۋدەن كەيىن بىرقاتار جاڭا كەلىسىمدەرگە قول قويدى. بۇل تۋرالى «تۇرىك تەلە-راديو» قىزمەتى حابارلادى.

رەجەپ تايىپ ەردوعان مەن شەيح تاميم بين حاماد ءال سانيدىڭ كەزدەسۋى كەزىندە شىعاناق ەلدەرى اراسىنداعى قايشىلىقتارى مەن بىرقاتار حالىقارالىق ماسەلەلەر ورتاعا سالىندى. كەڭەستەن كەيىن ەكىجاقتى كەلىسىمدەر جاسالدى. ايتالىق، بانك سالاسى، ازىق-تۇلىك قاۋىپسىزدىگى، ءبىلىم جانە اقپارات كوممۋنيكاتسيا، مەتەرولوگيا، اقپارات قاۋىپسىزدىگى جانە عىلىم سالاسىندا، گۋمانيتارلى كومەك ماسەلەسىندە جاڭا كەلىسىمدەر قول قويىلدى.

جاڭا ىنتىماقتاستىق ورناتۋ بارىسىندا «تۇرىك تەلە-راديو» مەن «كاتار مەديا» اقپارات اگەنتتىكتەرى دە جاڭا ىنتىماقتاستىق جاساستى. وعان قوسا ەكى ەلگە ورتاق پورت سالۋ تۋرالى دا كەلىستى.

كاتار امىرلىگىنىڭ باسشىلارىمەن كەزدەسۋدەن كەيىن ەردوعان كاتاردا تۇرىپ جاتقان تۇرىك جاۋىنگەرلەرىمەن كەزدەستى. ەردوعاننىڭ بۇل ساپارىنا 9 مينيستر جانە بىرقاتار ۇكىمەتتىڭ نەگىزگى وكىلدەرى دە قاتىستى.

“The Qazaq Times”