فوتو: Mansion Global

قازاق ۇكىمەتىنىڭ رەسمي وكىلى پاريجدەن قۇنى  75, 8 ميلليون اقش دوللارى (65 ميلليون ەۋرو)  تۇراتىن ءزاۋلىم ءۇي ساتىپ الدى. سونىمەن قاتار، بۇل ءۇي وسى جىلداعى ەڭ قىمباتقا باعالانعان ۇيلەردىڭ ءبىرى بولدى، - دەپ حابارلايدى حالىقارالىق جىلجىمايتىن مۇلىك اگەنتتىگى Mansion Global.

ميلليونعا باعالانعان ءزاۋلىم ءۇي ءپاريجدىڭ اتاقتى بايلار قونىستانعان  Golden Triangle دەپ اتالاتىن اۋدانىندا ورنالاسقان. ءۇيدىڭ قۇنى وسىدان 3 اي بۇرىن 87,5 ميلليون اقش دوللارىنا باعالانعان. ءۇي كولەمى 1200 شارشى مەتردى قۇرايدى.  مۇندا 5 جاتىن بولمە، 5 جۋىنۋ بولمەسى جانە دەمالۋ بولمەلەرى مەن قىزمەتكەرلەرگە ارنالعان بولەك بولمە بار.

ساتىپ الۋشى مەن ساتۋشىنىڭ اتى تۋرالى ەشقانداي مالىمەت جوق، تەك قانا قازاقستان ۇكىمەتىنىڭ رەسمي وكىلى مەن رەسەي ينۆەستورى دەپ كورسەتىلگەن.

“The Qazaq Times”