ماكرون: اقش يراندى يادرولىق قارۋ جاساۋعا يتەرمەلەۋدە

اقش يراندى يادرولىق قارۋ جاساۋعا يتەرمەلەۋدە – دەپ مالىمدەدى فرانتسيا پرەزيدەنتى ەممانۋەل ماكرون.

Time جۋرنالىنا بەرگەن سۇحباتىندا فرانتسيا پرەزيدەنتى ەممانۋەل ماكرون يراننىڭ يادرولىق قارۋى جايىندا پىكىر ءبىلدىردى. ول وندا: «ەگەر يراننىڭ يادرولىق باعدارلاماسى توڭىرەگىندە بارلىق كەلىسسوزدەردى توقتاتاتىن بولساق، وندا ءبىز ونىڭ ورنىندا ەكىنشى سولتۇستىك كورەيانى كورەتىن بولامىز. ەگەر سىزدەر 2015 جىلى قول جەتكىزگەن كەلىسىمنىڭ كۇشىن جويساڭىزدار ونى نەمەن الماستىراسىزدار؟ سوعىس اشاسىزدار ما؟ يراندى شابۋىلدايسىزدار ما؟ اقش-تىڭ «يرانمەن اراداعى 2015 جىلى قول جەتكىزگەن كەلىسىمىن بۇزامىن» دەۋى بۇل ايماقتى ۇلكەن تۇراقسىزدىققا جانە تەھراننىڭ (تەگەران) يادرولىق باعدارلاماسىن ودان ارى كۇشەيتۋىنە الىپ كەلەدى»، - دەگەن.

ەستەرىڭىزگە سالايىق، بۇعان دەيىن اقش يراندى 2015 جىلعى يادرولىق كەلىسىم شارتتارىن ورىندامادى دەپ ايىپتاپ، كەلىسىم قۇجاتىن قايتا قاراۋ كەرەكتىگىن ايتقان بولاتىن.

“The Qazaq Times”