ءسۇريا «يسلام مەملەكەتى» تەررورلىق ۇيىمىنان ازات ەتىلدى

ءسۇريا اسكەرى ەل اۋماعىن تولىقتاي «يسلام مەملەكەتى» تەررورلىق ۇيىمىنان ازات ەتكەندىگىن مالىمدەدى – دەپ حابارلايدى Reuters اقپارات اگەنتتىگى.

قازىرگى تاڭدا ءسۇريا اسكەرى مەن ونىڭ جاقتاستارى «يسلام مەملەكەتى» لاڭكەستىك ۇيىمىنىڭ يەلىگىندەگى سوڭعى البۋ-كامال قالاسى ءۇشىن كۇرەس جۇرگىزۋدە. بۇعان دەيىن قازان ايىندا باشار اساد ارمياسى سۇرياداعى «يسلام مەملەكەتى» تەررورلىق ۇيىمىنىڭ استاناسى سانالاتىن راككا قالاسىن ازات ەتكەن بولاتىن. ال شىلدە ايىندا يراك قارۋلى كۇشتەرى ءوز اۋماعىنداعى موسۋل قالاسىن لاڭكەستەر يەلىگىنەن قايتارىپ العان.

باتىس ەلدەرى اسكەري ساراپشىلارىنىڭ سوزىنشە، «يسلام مەملەكەتى» لاڭكەستىك ۇيىمىنىڭ يراك پەن ءسۇريا اۋماعىندا جەڭىلىس تابۋى سوعىس اياقتالدى دەگەن ءسوز ەمەس. ولار ەندى سوعىستىڭ پارتيزاندىق تاسىلىنە كوشەتىن بولادى جانە قايتا كۇش الۋ ءۇشىن تاياۋ شىعىستاعى كەلەسى ءبىر تۇراقسىزدىقتى ۇتىمدى پايدالانۋعا تىرىسادى.

جالپى اتالمىش ايماقتاعى سوعىس جاقىن ۋاقىتتا اياقتالمايتىنىن كوپتەگەن ساراپشىلار دا ايتۋدا. سەبەبى ءبىر جاعىندا يران، رەسەي، تۇركيا باستاعان شيتتەر، ال ەكىنشى جاعىندا ساۋد ارابياسى، اقش جانە باتىس ەلدەرىنىڭ قولداۋىنداعى سۇننيتتەر تاياۋ شىعىستا ءوز مۇددەلەرى ءۇشىن ءالى تالاي قان توگەتىن بولادى.

“The Qazaq Times”