ساۋد ارابياسى قاماۋعا الىنعان حانزادالاردى تۇرمەگە ەمەس بەس جۇلدىزدى قوناق ۇيگە جاتقىزۋدا (ۆيدەو)

ساۋد ارابياسى قاماۋعا الىنعان حانزادالاردى تۇرمەگە ەمەس بەس جۇلدىزدى قوناق ۇيگە جاتقىزۋدا – دەپ جازدى The New York Times گازەتى.

باسىلىم مالىمەتىنشە، قاراشا ايىنىڭ 5-ءسى كۇنى پارا الدى دەگەن كۇدىكپەن ۇستالعان ساۋد ارابيا حانزادالارىن ەل بيلىگى تۇرمەگە جاتقىزۋدىڭ ورنىنا ەر-رياد قالاسىندا ورنالاسقان بەس جۇلدىزدى ريتتس كارلتون قوناق ۇيىنە جايعاستىرعان. وسىعا بايلانىستى You Tube جەلىسىندە ۆيدەوروليكتە جاريالانعان. وندا تۇتقىنعا الىنعان حانزادالاردى جەرگىلىكتى پوليتسيا قىزمەتكەرلەرى ريتتس كارلتون قوناق ءۇيىنىڭ فويەسىنە ورنالاستىرعانى بەينەلەنگەن.

ەستەرىڭىزگە سالايىق، بۇعان دەيىن ساۋد ارابياسى بيلىگى 11 حانزادا مەن 10-نان استام بۇرىنعى مينيسترلەردى پارا الدى دەگەن ايىپپەن قاماۋعا العان بولاتىن. ولاردىڭ ىشىندە ساۋد ارابيا كورولىنىڭ جيەن ءىنىسى ءال-ۆاليد بەن تالال دا بار.

“The Qazaq Times”