كۇردىستان باسشىسى لاۋازىمىن ۇكىمەت پەن پارلامەنتكە وتكىزىپ بەردى

يراكتاعى كۇردىستان پارلامەنتىندەگى وتىرىستان كەيىن، كۇرد ايماعىنىڭ باسشىسى ماسۋد بارزانيدىڭ بيلىگىن ۇكىمەت، پارلامەنت جانە ادىلەت كوميسسياسىنا ءبولىپ بەرۋ داۋىسپەن ماقۇلداندى. يراكتاعى «تۇركىمەن مايدانى» ۇيىمىنىڭ مۇشەسى ايدىن مارۋف تا وسى جونىندە ارناۋلى مالىمدەمە جاساپ راستادى. بۇل تۋرالى BBC-ءدىڭ رەسمي سايتى جازدى.

مارۋفتىڭ ايتۋىنشا، كۇرد ايماقتىق اكىمشىلىگىنىڭ باسشىلىق لاۋازىمىن جويۋ تۋرالى دا قاراستىرىلۋ ۇستىندە ەكەن. ماسۋد بارزاني ءوزىنىڭ پارلامەنتكە جازعان حاتىندا، 1 قاراشادان باستاپ وكىلەتتى مەرزىمى اياقتالاتىن باسشىلىق قىزمەتىن جالعاستىرمايتىنىن، وكىلەتتى مەرزىمدى ۇزارتۋدى دا قابىلدامايتىنىن ايتقان.

ماسۋد بارزانيدىڭ مىندەت مەرزىمىنىڭ تولۋىنا بايلانىستى باسشىلىق قىزمەتىن قورىتىندىلاۋ جانە وتكىزىپ الۋ جينالىسى كەزىندە، ونىڭ جاقتاستارى، كۇردىستان دەموكراتيالىق پارتياسىنىڭ بەلسەندىلەرى جيىن زالىنا باسىپ كىرۋگە ارەكەت جاساعان. ولار عيماراتتى قورشاپ الىپ، قولدارىنا قارۋلارىن ۇستاپ، بارزانيدى جاقتاپ ۇرانداعان. اسپانعا وق اتىپ، جيىن زالىنا باسىپ كىرۋگە تىرىسقان. الايدا، قاۋىپسىزدىك قىزمەتكەرلەرى ولاردى عيماراتتان كۇشتەپ شىعارعان.

“The Qazaq Times”