ءۇش ەلدىڭ ساۋدا وكىلدەرى بىرلەسكەن مالىمدەمە جاسادى. فوتو: WSJ.

اقش، كانادا جانە مەكسيكانىڭ جوعارى لاۋازىمدىلارىنىڭ ايتۋىنشا، سولتۇستىك امەريكا ەركىن ساۋدا كەلىسىمى تۋرالى كەلىسسوزدەردە تاراپتاردىڭ پىكىر ايىرماشىلىعى كوپتەپ كەزدەسۋدە. سوندىقتاندا جىل سوڭىنا دەيىن كەلىسسوزدەر اياقتالمايتىنىن ايتادى. بۇل تۋرالى “WSJ” باسىلىمىنىڭ رەسمي سايتى جازدى.

اقش ساۋدا وكىلى روبەرت ليتتيزەر سەيسەنبىدە ۋاشينگتوندا بىرلەسكەن مالىمدەمە جاساپ، وسى ايدىڭ باسىندا باستالعان كەلىسسوزدەردىڭ كەلەسى راۋندى 17 قاراشادا مەكسيكادا جالعاساتىنىن حابارلادى. ال، رايت حەيس ءوز مالىمدەمەسىندە: «اقش، كانادا جانە مەكسيكا اراسىنداعى كەلىسسوزدەر 2018 جىلدىڭ ءبىرىنشى توقسانىنا دەيىن جالعاسادى دەپ كۇتىلۋدە»، – دەدى. باستاپقىدا ءۇش ەلدىڭ لاۋازىمدى وكىلدەرى كەلىسسوز جىل سوڭىنا دەيىن اياقتالادى دەگەن ەدى.

سولتۇستىك امەريكا ەركىن ساۋدا كەلىسىمى وسىعان دەيىن اتالعان ايماقتاعى ءۇش ەلدىڭ اراسىندا كوپ جىلعا دەيىن تۇراقتى كۇيىن ساقتاپ كەلگەن. اقش پرەزيدەنت تاعىنا ترامپ كەلگەننەن كەيىن Nafta كەلىسىمىنە قايتالاي كەلىسسوزدەر جۇرگىزە باستادى. ترامپ ۇكىمەتى بارلىق ورتاق كەلىسىمدەردەن باس تارتۋعا دا نيەت ەتكەن. اقش-تىڭ بۇرىنعى ۇكىمەتى قول قويعان بىرنەشە حالىقارالىق كەلىسىمدەردەن باس تارتقان بولاتىن.

ترامپتىڭ ويىنشا كوپجاقتى كەلىسىمدەردەن كورى، ەكىجاقتى كەلىسىمدەر جاساۋ «امەريكا ءبىرىنشى» ۇرانى مەن امەريكالىقتاردىڭ مۇددەسىنە بارىنشا ساي كەلەتىن كورىنەدى. قازىرگى ءۇش ەل اراسىنداعى كەلىسسوزدەردىڭ ۇزاققا سوزىلۋى دا ترامپ ۇكىمەتىنىڭ تالاپ شارتتارىنىڭ كوبەيە تۇسۋىندە دەپ قاراۋعا بولادى.

“The Qazaq Times”