حالىقارالىق ۆاليۋتا قورى "قازاقستاننىڭ 2017 جىلعى ينفلياتسيا دەڭگەيى 7%، 2018 جىلعى كورسەتكىشى 6,2% بولادى" دەگەن بولجام جاسادى. بۇل تۋرالى قوردىڭ قازان ايىنا ارنالعان الەمدىك ەكونوميكاعا شولۋىندا  (World Economic Outlook) ايتىلعان.

حۆق ءساۋىر ايىنداعى شولۋىندا ينفلياتسيا 2017 جىلى 8%، 2018 جىلى 7,2% بولادى دەپ بولجاعان.

بۇدان بۇرىن حۆق-نىڭ قازاقستانداعى وكىلى  مارك حورتون "2017 جىلدىڭ ناتيجەسى بويىنشا قازاقستاننىڭ جالپى ىشكى ءونىمى 3,3%-عا، ال 2018 جىلى ناتيجەدە  2,5−3%-عا وسەدى" دەگەن.

ايتا كەتەيىك، ۇلتتىق ەكونوميكا مينيسترلىگى 2017 جىلى قازاقستاندا ءجىو 3,4%-عا وسەدى دەپ بولجاپ وتىر. 2016 جىلى ەلدىڭ ءجىو 1%-عا ارتقان. 2016 جىلى قازاقستانداعى ينفلياتسيا 8,5% بولدى.  ۇكىمەتتىڭ بولجامىنشا، بيىل ينفلياتسيا 6,9-7,5% دەڭگەيىندە بولادى.

“The Qazaq Times”