بىرىككەن اراب امىرلىگى رەسمي وكىلدەرىنىڭ بىرى  جاقىندا كاتاردان اراداعى سالقىن قارىم-قاتىناستى قالپىنا  كەلتىرۋ ۇشىن ورىنسىز تالاپ قويعان.  بۇل تۋرالى «شينحۋانىڭ» رەسمي سايتى جازدى.

8 قازان كۇنى بىرىككەن اراب امىرلىگى دۋباي قاۋىپسىزدىك ءبولىمىنىڭ لاۋازىمدىسى ريچاد حالفان تۆيتتەر پاراقشاسىندا: «ەگەر كاتار 2022 جىلى سول ەلدە وتەتىن فۋتبولدان الەم چەمپيوناتىن وتكىزۋدەن باس تارتسا، بارلىق قيىندىقتاردان قۇتىلادى»، – دەپ جازعان. دەگەنمەن بۇل قيسىنسىز تالاپقا كاتار بيلىگى  وسىعان دەيىن جاۋاپ قايتارمادى.

ەستەرىڭىزگە سالا كەتەيىك، وسى جىلدىڭ ماۋسىم ايىندا ساۋد-ارابياسى،   بىرىككەن اراب امىرلىگى، باحرەين، مىسىر قاتارلى ءتورت ەل كاتاردى «تەرروريزمدى قولداپ، ايماقتاردىڭ تىنىشتىعىن ءبۇلدىردى» دەپ ايىپتاپ،  ديپلوماتيالىق بايلانىستى ۇزگەن ەدى. بارلىق بارىس-كەلىستى تۇبەگەيلى توقتاتىپ، كاتار داعدارىسى دەپ اتالاتىن گەوساياسي داعدارىس قالىپتاستىرعان بولاتىن. كاتار ۇكىمەتى بۇل ايىپتاۋلاردىڭ بارلىعىن تەرىستەگەن.

ال، بايلانىستى جاقسارتۋ ءۇشىن الەمدىك فۋتبول دوداسىن توقتاتۋ سىندى تالابىنا، كاتار جاقتىڭ قانداي جاۋاپ قايتاراتىنى بەيمالىم.

“The Qazaq Times”