ەردوعان: ءبىز قىرىم تاتارلارىنىڭ مۇددەسىن حالىقارالىق دەڭگەيدە قورعايتىن بولامىز

تۇركيا پرەزيدەنتى رەجەپ تايىپ ەردوعان حالىقارالىق دەڭگەيدە قىرىم تاتارلارىن قورعايتىنىن مالىمدەدى.

قازان ايىنىڭ 9-ى كۇنى ۋكراينا استاناسى كيەۆتە پەتر پوروشەنكومەن كەزدەسكەن رەجەپ تايىپ ەردوعان قىرىمعا قاتىستى ءوز ويىن ءبىلدىردى. ول وندا: «تۇركيا قاشاندا ۋكراينانىڭ تۇتاستىعى مەن تاۋەلسىزدىگىن قولدايدى. ءبىز وسىعان دەيىن دە قىرىمنىڭ زاڭسىز اننەكسيالانۋىن مويىندامايتىنىمىزدى ايتقانبىز. وسىدان كەيىن دە سول پىكىرىمىزدە قالامىز. ءبىز الداعى ۋاقىتتا قانداس باۋىرلارىمىز قىرىم تاتارلارىنىڭ مۇددەسىن حالىقارالىق دەڭگەيدە قورعايتىن بولامىز» - دەگەن.

بۇدان بولەك ەكى ەل باسشىلارى دونباسس پەن لۋگانسكىدەگى سوعىس جايىندا، ەكى ەل اراسىنداعى ساۋدا اينالىمى مەن مينسك كەلىسىمى جايىندا ءسوز قوزعاعان. كەزدەسۋ سوڭىندا ۋكراينا پرەزيدەنتى پەتر پوروشەنكو رەجەپ تايىپ ەردوعانعا قىرىم تاتارلارىن قولداعانى ءۇشىن راحمەت ايتقان.

“The Qazaq Times”