ماداگاسكاردا قاۋىپتى وبا ىندەتى تاراپ، قازا بولعاندار سانى 28 ادامعا جەتكەن. تامىز ايىنان بەرى تاراي باستاعان قاۋىپتى وبانى 150 ادام جۇقتىرعان. بۇل تۋرالى «اناتولى» اقپاراتتىق اگەنتتىگىنىڭ رەسمي سايتى جازدى.

ماداگاسكاردىڭ ورتالىق قالاسىندا، بارلىق الەۋمەتتىك ورىنداردا تەكسەرىس قاتاڭداي تۇسكەن. ەل ۇكىمەتىنىڭ 2 قازاندا بەرگەن مالىمەتىندە وبادان 26 ادامنىڭ كوز جۇمعانى ايتىلعان. ال اقپارات قۇرالدارى كەشە كەشكىسىن قازا بولعاندار سانى 28 ادامعا جەتتى دەپ حابارلادى.

قازىر اتالعان ەلدە مەكتەپتەر ۋاقىتشا ساباق توقتاتقان. مەملەكەتتىك مەكەمەلەردىڭ ءبارىن دەزينفەكتسيالاۋ ىسىنە جۇمىلدىرعان. ماداگاسكاردىڭ دەنساۋلىق ساقتاۋ مينيسترلىگى ىندەتكە شالدىققانداردى تەگىن ەمدەيتىن ارنايى ورتالىق قۇرعانىن مالىمدەدى.

“The Qazaq Times”