اقش-تاعى كۋبانىڭ باس ەلشىلىگى. فوتو: BBC.

اقش كۋبا بيلىگىن گاۆاناداعى قۇراما شتات ەلشىلىگىن قورعاۋ تالاپتارىن ورىنداۋعا تىرىسپادى دەپ ايىپتاپ، كۋبانىڭ امەريكاداعى 15 ديپلوماتىن ەلدەن شىعارىپ جىبەرمەك. بۇل تۋرالى BBC-ءدىڭ ونلاين قىزمەتى حابارلايدى.

كۋبا ديپلوماتتارىن ەلدەن شىعارۋمەن قاتار، اقش مەملەكەتتىك دەپارتامەنتى كۋبانىڭ ورتالىق قالاسىنداعى ەلشىلەرىن ەلگە قايتارىپ الاتىنىن بىلدىرگەن. كۋبا سىرتقى ىستەر ءمينيسترى برۋنو رودريگەس بۇل شەشىمدى اقىلعا سىيمايدى دەپ باعالادى.

اقش مەملەكەتتىك حاتشىسى رەكس تيللەرسون بۇل شەشىم تۋرالى بەرگەن مالىمەتىندە: «اتالعان شەشىم، كۋبا جاقتىڭ ءبىزدىڭ ديپلوماتتاردى قورعاۋ بويىنشا شارالار قولدانباعانى، ۆەنا كەلىسىمى بويىنشا ءوز مىندەتتەرىن لايىقتى تۇردە اتقارماعاندارى ءۇشىن قابىلدانىپ وتىر»، – دەدى.

اقش جاق سوڭعى ايلاردا كۋبادا تۇراتىن 20 ەلشىسىنىڭ قاۋىپسىزدىگىنە ماقساتتى تۇردە قاۋىپ توندىرگەن دەگەن ايىپتى ورتاعا سالىپ وتىر. سونداي-اق، گاۆاناداعى ەلشىلىككە شابۋىل جاسالىپ، ديپلوماتتارىنىڭ جارالانعانىن العا تارتۋدا. اقش پەن كۋبانىڭ بۇل ديپلوماتيالىق داعدارىسى ەكى ەل اراسىنداعى جاڭا شيەلەنىستى قالىپتاستىرىپ كەلەدى.

“The Qazaq Times”