زاڭگەرلەرگە سۇرانىس ازايعان

2017 جىلدىڭ 1 جارتى جىلدىعىندا قۇقىق جانە بۋحگالتەرلىك ەسەپ سالاسىندا كورسەتىلگەن قىزمەت كولەمى 32,96 ملرد تەڭگە بولدى جانە وتكەن جىلدىڭ سايكەس كەزەڭىمەن سالىستىرعاندا 9,8%-عا از بولىپ وتىر.

قىزمەتتىڭ ەڭ كوبى الماتىدا  (23 ملرد تگ، -5% ) جانە استانادا (5,66 ملرد تگ، -27,9%) كورسەتىلگەن. ال اتالعان قىزمەت تۇرلەرىنە سۇرانىس اقتوبە وبلىسىندا 2,4 ەسەگە ارتىپ، 285,35 ملن تەڭگەگە دەيىن جەتكەن.

سونداي-اق، قۇقىق جانە بۋحگالتەرلىك ەسەپ سالاسىنداعى جالاقى كولەمى جىلىنا 7,2% -عا تومەندەپ، 264,2 مىڭ تەڭگە بولعان. ءتىپتى جالاقىنىڭ تومەندەۋىنە بايلانىستى تۇتىنۋ قابىلەتى دە 13,8%-عا ازايعان.

بۇدان بۇرىن  وسى سالادا ەڭبەك ەتەتىندەردىڭ جالاقىسى ۇنەمى ءوسىپ وتىرعان. مىسالى 2015 جىلعا قاراعاندا 2016 جىلى بۋحگالتەرلەر مەن زاڭگەرلەردىڭ  جالاقىسى 13,1%-عا جوعارى ءارى قازاقستانداعى ورتاشا  اتاۋلى ايلىق جالاقىعا قاراعاندا 93,1%-عا ارتىق  بولعان.

“The Qazaq Times”