ەاەو ەلدەرىندەگى ورتاشا اتاۋلى جالاقىعا قانشا ليتر بەنزين ساتىپ الۋعا بولادى

GlobalPetrol Prices اگەنتتىگىنىڭ مالىمەتى بويىنشا بەنزين ارزان تۇراتىن ەلدەر اراسىندا قازاقستان 14 ورىندا. مۇندا ورتاشا باعا 0,47 دوللار(1 قازاندا بەلگىلەنگەن باعا بويىنشا - 151 تەڭگە). 

ارزان جانارماي ساتىلاتىن ەلدەردىڭ العاشقى ۇشتىگىندە ۆەنەسۋەلا ء(ليترى 0,01 دوللار), ساۋد ارابياسى(0,24 دوللار), تۇركىمەنستان (0,29 دوللار) تۇر. وزبەكستاندا ءبىر ليتر بەنزيننىڭ باعاسى 0,41  دوللار جانە بەنزين ارزان ەلدەر تىزىمىندە 8 ورىندا.

الەم بويىنشا بەنزيننىڭ ورتاشا باعاسى ليترىنە 1,08 دوللار (368,48 تەڭگە).

ال قازاقستان مۇشە بولىپ وتىرعان ەاەو ەلدەرىندە باعا قانداي؟ وسى ەلدەردىڭ ورتاشا ايلىق جالاقىسىنا قانشا ليتر بەنزين ساتىپ الۋعا بولادى؟

LS سايتىنىڭ مالىمەتىنشە، قازاقستاندا جان باسىنا شاققانداعى ورتاشا اتاۋلى كىرىسكە، ياعني 76,5 مىڭ تەڭگەگە 162,76 ليتر بەنزين، ال 148,2 مىڭ تەڭگە ورتاشا اتاۋلى ايلىق جالاقىعا 924,17 ليتر بەنزين ساتىپ الۋعا بولادى.

رەسەيدەگى ورتاشا اتاۋلى جالاقى 38,62 مىڭ رۋبل نەمەسە تەڭگە ەۆيۆالەنتىمەن 227,86 مىڭ تەڭگە. بۇل اقشاعا رەسەيلىك (بەنزين باعاسى 0,70 دوللار) 959 ليتر بەنزين ساتىپ الا الاسىز.

ايتا كەتەيىك، مۇناي-گاز سالاسىنداعى قازاقستاندىق ساراپشىلاردىڭ سوزىنشە، ەاەو-دا بىرىڭعاي ەنەرگەتيكا كەڭىستىگى قۇرىلعان جاعدايدا قازاقستاندا بەنزين باعاسى رەسەيدىكىمەن تەڭەستىرىلۋى مۇمكىن.

ال باسقا ەلدەردە ورتاشا ايلىققا ساتىپ الۋعا بولاتىن جانارماي كولەمى قازاقستانمەن سالىستىرعاندا 1,5-2 ەسەگە از. مىسالى بەلارۋستا ورتاشا ايلىق كىرىسكە 673,15 ليتر، ارمەنيادا 477,42 ليتر، قىرعىزستاندا 356,67 ليتر بەنزين ساتىپ الۋعا بولادى.

ايتا كەتەيىك، قازاقستاندا 1 قازاننان باستاپ بەنزين باعاسى بىردەن 4 تەڭگەگە قىمباتتاپ 151 تەڭگەگە دەيىن كوتەرىلدى.

“The Qazaq Times”