فوتو: Reuters

اقش پرەزيدەنتى دونالد ترامپ "سولتۇستىك كورەيا ماسەلەسىنە قاتىستى كەلىسسوزدەر جۇرگىزۋ ۋاقىتتى بوسقا جوعالتۋ" دەپ ەسەپتەيدى. وسىلايشا ول اقش-تىڭ مەملەكەتتىك حاتشىسى رەكس تيللەرسوننىڭ كحدر يادرولىق قارۋ باعدارلاماسى بويىنشا ديپلوماتيالىق شەشىمدەر جولىنداعى ارەكەتىنە نارازىلىق ءبىلدىردى. بۇل تۋرالى ۆۆس اقپاراتتىق اگەنتتىگى جازدى.

مەملەكەت باسشىسى ءوزىنىڭ تۆيتتەر پاراقشاسىندا: "رەكس، ءوزىڭنىڭ كۇش-قۋاتىڭدى بوسقا سارپ ەتپە. ءبىز جاساۋ كەرەك ارەكەتىمىزدى جاسايمىز!" دەپ جازدى. اقش پرەزيدەنتى سويلەمنىڭ سوڭعى بولىگىندەگى مالىمدەمەسى تۋرالى كوممەنتاري بەرگەن جوق.

امەريكا سولتۇستىك كورەيانىڭ يادرولىق باعدارلاماسىن ءبىرجولا توقتاتقانىن قالايدى. سوڭعى رەت سىناقتان وتكىزىلگەن سۋتەكتى بومبا الىس قاشىقتىقتاردى ەڭسەرەتىنى تۋرالى وسىدان الدىندا دابىل قاعىلىپ، كحدر قاۋپىن توقتاتۋ ماسەلەسى قىزۋ تالقىلانعان ەدى. دەگەنمەن اقش-تىڭ ساياسي ۇستانىمى ەل پرەزيدەنتى دونالد ترامپتىڭ جەكە پوزيتسياسىمەن سايكەس كەلمەيتىن سياقتى. ويتكەنى دەمالىس كۇندەرى ءوزىنىڭ تۆيتتەر پاراقشاسىندا دونالدترامپ: "مەن ءبىزدىڭ مەملەكەتتىك حاتشىعا كىشكەنتاي "زىمىران اداممەن" كەلىسسوزدەر جۇرگىزۋگە ءوز كۇش-قۋاتىن جوعالتپاۋى كەرەكتىگىن ەسكەرتتىم", - دەپ جازدى.  رەيتەر اقپاراتتىق اگەنتتىگى دونالد ترامپ سولتۇستىك كورەيامەن كەلىسىمدەرگە كەلۋ تۋرالى ويلاردان مۇلدە اۋلاق ەكەنىن ايتادى.

دونالد ترامپتىڭ عالامتورداعى مالىمدەمەسى رەكس تيللەرسوننىڭ پيوڭياڭمەن بايلانىسقا شىعۋدىڭ جاڭا جولدارى اشىلعانى تۋرالى رەسمي مالىمدەمەسىنەن كەيىن بولدى. جۋرناليستەرگە بەرگەن سۇحباتىندا مەملەكەتتىك حاتشى "سولتۇستىك كورەيا كەلىسسوزدەر ۇستەلىنە وتىرادى ما؟" دەگەن ساۋالعا ء"بىز قولىمىزدان كەلگەنشە تىرىسىپ جاتىرمىز، حابار كۇتىڭىزدەر" دەگەن بولاتىن.

“The Qazaq Times”